టి20 ఐసీసీ కెప్టెన్ గా సూర్యకుమార్

ఇక యశస్వి జైశ్వాల్ ఆసియా గేమ్స్ లో భాగంగా నేపాల్ తో జరిగిన మ్యాచ్ లో కేవలం 49 బంతుల్లోనే సెంచరీ మార్క్ సాధించడం.. ఆస్ట్రేలియా, సౌతాఫ్రికాలతో జరిగిన టి20 సిరీస్ ల్లోనూ మంచి ఇన్నింగ్స్ లు ఆడాడు. ఇక బౌలర్లుగా అర్షదీప్ సింగ్, రవి బిష్ణోయి లు తమ ప్రదర్శనతో భారత్ సిరీస్ లు గెలవడంలో కీలకపాత్ర పోషించారు. ఇక మిగతావారిలో వెస్టిండీస్ నుంచి నికోలస్ పూరన్, మార్క్ చాప్ మన్.. ఇంగ్లండ్ నుంచి ఫిలిప్ సాల్ట్, ఇక ఆల్ రౌండర్ విభాగంలో జింబాబ్వే కెప్టెన్ సికందర్ రజా చోటు దక్కించుకున్నాడు. వీరితో పాటు మార్క్ అడైర్, రిచర్డ్ నగరవా, అల్పేష్ రమ్ జానీ లు ఎంపికయ్యారు. ఏడాది వ్యవధిలో నిలకడగా ఆడిన 11 మందిని ఐసీసీ వార్షిక ఉత్తమ జట్టుకు ఎంపిక చేస్తుంది.

ఇక మహిళల జట్టులో భారత్ నుంచి ఆల్ రౌండర్ దీప్తి శర్మ మాత్రమే చోటు దక్కించుకుంది. కెప్టెన్ గా చమేరీ ఆటపట్టు, కీపర్ గా బెత్ మూనీని ఎంపిక చేసింది. మొత్తంగా ఆస్ట్రేలియా మహిళల జట్టు మరోసారి ఐసీసీ ఉత్తమ టి20 జట్టులో సత్తా చాటింది. నలుగురు ఆసీస్ మహిళా ప్లేయర్లు చోటు దక్కించుకోవడం విశేషం. బెత్ మూనీతో పాటు ఎలీస్ పెర్రీ, మేఘన్ స్కాట్, అష్లీ గార్డనర్ లు ఉన్నారు. ఇక న్యూజిలాండ్ నుంచి అమిలీయా కెర్, ఇంగ్లండ్ నుంచి నట్ సివర్ బ్రంట్ సహా తదితరులు ఉన్నారు.