ఐక్యత అంటే ఏకరూపత కాదని, విభిన్నంగా ఉన్నప్పటికీ ఐక్యంగా ఉండటం అని రాష్ట్రీయ స్వయంసేవక్ సంఘ్ సర్ సంఘచాలక్ డా. మోహన్ భగవత్ తెలిపారు. అస్సాంలోని మజులి నది ద్వీపంలోని ఉత్తర కమలాబరి సత్రంలో రెండు రోజులపాటు జరుగుతున్న పూర్వోత్తర్ సంత్ మణికాంచన్ సమ్మేళన్ 2023లో పాల్గొంటూ ప్రతి వ్యక్తికి నిర్దిష్ట స్వభావం ఉన్నట్లే, ప్రతి దేశం దాని స్వంత ప్రత్యేకమైన జీవన విధానాన్ని కలిగి ఉంటుందని తెలిపారు.
ఓ దేశం యొక్క స్వభావం దాని సంస్కృతి ద్వారా ఉద్భవిస్తుందని పేర్కొంటూ “ఏకం సత్ విప్రా బహుధా వదంతి” (సత్యం ఒక్కటే కానీ అది మేధావులు విభిన్నంగా వెల్లడిస్తారు) ద్వారా భారతదేశపు ‘సంస్కృతి’ ప్రతిబింబిస్తుందని చెప్పారు. ఈ అన్నింటినీ కలిపిన సంప్రదాయం భారత్‌లో మాత్రమే ఉందని స్పష్టం చేశారు.
నేటి కీలకమైన కాలంలో, ప్రపంచం మొత్తానికి శాంతి, సహజీవన సందేశాన్ని అందించడానికి భారత్ గట్టిగా నిలబడాల్సిన అవసరం ఉందని డాక్టర్ భగవత్ స్పష్టం చేశారు. భారతదేశపు ఈ మహత్తరమైన కార్యాన్ని నెరవేర్చడానికి, గౌరవనీయమైన ఆధ్యాత్మికవేత్తలు, సాధువులు మన సమాజంలో ముందుకు రావాలని ఆయన పిలుపిచ్చారు.
మనందరికీ ఒకే పూర్వీకులు ఉన్నారని, మనందరికీ ఒకే విలువలు ఉన్నాయని, మనమందరం మన భిన్నత్వానికి కట్టుబడి మన ఐక్యతను ముందుకు తీసుకెళ్లాలని డా. భగవత్ ఈ సందర్భంగా ప్రతి ఒక్కరికి గుర్తు చేశారు. “ఐక్యత కాదు ఏకరూపత, కానీ అది ఐక్యత” వివరించారు.
సేవ, విద్య, వైద్యం, ఉపాధి వంటి వాటి ద్వారా మన సమాజాన్ని స్వావలంబనగా తీర్చిదిద్దేందుకు కృషి చేయాలని ఆయన సూచించారు. భారతదేశపు శాశ్వతమైన ఆధ్యాత్మిక విలువలు, సమయం పరీక్షించిన ఆచారాలను కొనసాగించడానికి కుటుంబాలలో జాతీయ చైతన్యం చాలా అవసరం అని హితవు చెప్పారు.
భారతదేశపు ఈ గొప్ప సందేశాన్ని, ఉత్తమ ఆధ్యాత్మిక విలువలను కొత్త తరానికి తెలియజేయడానికి తమ మఠాలు, దేవాలయాలు పని చేసేవిధంగా చూడాలని ఆయన ధర్మాచార్యులు అందరినీ అభ్యర్ధించారు. సాంఘిక సంస్కరణలను తీసుకురావడం ద్వారా అస్సాంకు చెందిన శ్రీమంత్ శంకర్‌దేవ్ తన గొప్ప జీవితంలో ఉదాహరించినట్లుగానే, వివిధ సామాజిక దురాచారాలను తొలగించడానికి మనమందరం మన ప్రవర్తన ద్వారా మన సమాజంలోని చెడులను నిర్మూలించాలని సూచించారు.
1966 జోర్హత్ సంత్ సమ్మేళన్ తర్వాత చాలా విరామం అనంతరం “పూర్వోత్తర్ సంత్ మణికాంచన్ సమ్మేళన్ – 2023” జరిగింది. ఈ సంత్ సమ్మేలన్‌లో, అస్సాంలోని 48 సత్రాలకు చెందిన మొత్తం 104 మంది ఆధ్యాత్మిక నాయకులు, ఈశాన్య రాష్ట్రాల నలుమూలల నుండి 37 వివిధ పీఠాలకు చెందిన వారు హాజరయ్యారు.
వివిధ సనాతన ఆధ్యాత్మిక సంప్రదాయాలు, సంఘాల మధ్య సమన్వయం, సద్భావన, సామరస్యాన్ని కొనసాగించడం ఈ సమావేశం ప్రధాన లక్ష్యం. ఈ సదస్సులో భారత్‌లోని ఈశాన్య ప్రాంత ప్రజలు ఎదుర్కొంటున్న వివిధ సమస్యలపై, అందులో పనిచేస్తున్న వివిధ వర్గాల గురించి చర్చ జరిగింది.
ఈ సమ్మేళనంలో పాల్గొన్న ధర్మాచార్యులలో ప్రముఖులు త్రిపురలోని శాంతికాళి ఆశ్రమం నుండి శ్రీ చిత్తరంజన్ మహారాజ్, శ్రీ ఉత్తర కమలాబరి సత్రానికి చెందిన జనార్దన్ దేవ్ గోస్వామి, ఔని ఆటి సత్రం నుండి శ్రీ శ్రీ సత్రాధికర్ ప్రభు, దక్షిణ్ పత్ సత్రం, గఢ్ మూల్ సత్రం, బార్పేటలోని శ్రీ సుందరీయ సత్రం, నంసాయి నుండి ప్రముఖ్ భోంటే బోధి విహార్, అరుణాచల్ ప్రదేశ్‌లోని పరశురామ్ కుండ్‌కు చెందిన ప్రముఖ్ మహంత్, శ్రీమంత్ శంకర్‌దేవ్ సంఘ్‌కు చెందిన మత పెద్దలు, మేఘాలయలోని జయంతియా పహాడ్‌కు చెందిన దలోయి శ్రీ పురామోన్ కిన్జిన ఉన్నారు.
More Stories
ఢిల్లీ పోలీసులను 4 వారల గడువు కోరిన రేవంత్ రెడ్డి
ఢిల్లీ స్కూళ్లకు బాంబు బెదిరింపులు
కాంగ్రెస్, బీఆర్ఎస్ వేర్వేరు కాదు.. ఒకే గూటి పక్షులు