ఢిల్లీ స్కూళ్లకు బాంబు బెదిరింపులు

ఢిల్లీలోని ఎన్ సీఆర్ పరిధిలోని ఆరు స్కూళ్లు బాంబు బెదిరింపులు రావడంపై కేంద్ర హోం శాఖ స్పందించింది. ఇవన్నీ బూటకపు ఈ-మెయిల్స్ అని తెలిపింది. ఈ బెదిరింపులపై దిల్లీ పోలీసులు, భద్రతా సంస్థలు దర్యాప్తు చేపట్టాయని పేర్కొంది.

ఢిల్లీ విద్యాశాఖ మంత్రి అతిషి మాట్లాడుతూ.. విద్యార్థులు, తల్లిదండ్రులు కంగారు పడాల్సిన అవసరం లేదని.. బడుల్లో బాంబును గుర్తించలేదని తెలిపారు. అవసరమైన చోట పాఠశాలల అధికారులు తల్లిదండ్రులతో సంప్రదింపులు జరుపుతున్నట్లు చెప్పారు. ఈ మెయిల్ పంపడానికి ఉపయోగించిన ఐపీ అడ్రస్ సర్వర్ విదేశాల్లో(రష్యా) ఉండొచ్చని పోలీసులు అనుమానిస్తున్నారు. వీలైనంత త్వరలో నిందితుడి వివరాలు తెలుసుకుంటామని చెబుతున్నారు.

మరోవైపు పాఠశాలల్లో బాంబు బెదిరింపులపై తనకు వివరణాత్మక నివేదిక అందించాలని ఢిల్లీ పోలీస్ కమిషనర్​ను ఆదేశించారు దిల్లీ లెఫ్టినెంట్ గవర్నర్ వీకే సక్సేనా. స్కూళ్లలో క్షుణ్ణంగా తనిఖీలు చేపట్టాలని పోలీసులను ఆదేశించారు.