కబ్జా స్థలాలపై బుల్ డోజర్లు దించుతా

రేషన్ షాపుల్లో పేదలకు ఇచ్చే ఉచిత బియ్యం పైసలన్నీ కేంద్రమే భరిస్తోందని  ఆయన చెప్పారు. ఐకేపీ కేంద్రాలు, ధాన్యం కొనుగోలు కేంద్రాల వద్ద రైతుల నుండి కొనే వడ్ల పైసలన్నీ కేంద్రమే చెల్లిస్తోందని పేర్కొన్నారు. వడ్లను సేకరించినందుకుగాను కేసీఆర్ ప్రభుత్వానికి బ్రోకరేజీ రూపంలో కమీషన్ కూడా కేంద్రమే ఇస్తోందని తెలిపారు. 

వీటికి సంబంధించి లెక్కాపత్రంతో వివరాలు తనవద్ద ఉన్నాయని చెబుతూ బహిరంగ చర్చకు సిద్ధమని సంజయ్ స్పష్టం చేశారు.  పౌరసరఫరాల మంత్రిగా ఉంటూ కరీంనగర్ ప్రజలకు ఒక్క కొత్త రేషన్ కార్డు కూడా ఇవ్వలేదని, బీసీ మంత్రిగా ఉంటూ బీసీలకు బీసీ బంధు పైసలియ్యలేదని విమర్శించారు. 

వీటిపై తాను ప్రశ్నిస్తూ ప్రజల పక్షాన నిలబడితే గంగుల తనను అవినీతిపరుడిగా చిత్రీకరిస్తూ ప్రజలను దారి మళ్లించే కుట్ర చేస్తున్నారని ఆగ్రహం వ్యక్తం చేశారు.  తాను నిజంగా అవినీతికి పాల్పడితే ఆ ఆస్తిపాస్తులకు సంబందించిన డాక్యుమెంట్లన్నీ తీసుకురా… అవన్నీ ప్రజలకు రాసిచ్చేస్తానని సంజయ్ సవాలు చేశారు. గంగుల ఆస్తిపాస్తుల డాక్యుమెంట్లన్నీ తీసుకొస్తే, తాను తీసుకొస్తానని చెప్పారు. గంగుల ఆస్తుల్ని ప్రజలకు రాసిచ్చేందుకు సిద్ధమా? అంటూ ప్రశ్నించారు.