హైదరాబాద్లో వాతావరణం ఒక్కసారిగా మారిపోయింది. గురువారం ఉదయం నుంచి నగరంలో ఆకాశం పూర్తిగా మేఘావృతమై ఉన్నది. దీంతో అక్కడక్కడ చిరుజల్లులు కురుస్తున్నాయి. పలు ప్రాంతాల్లో రోడ్లన్నీ జలమయమయ్యాయి. హైదరాబాద్లోని పలు ప్రాంతాల్లో గురువారం మోస్తారు నుంచి భారీ వర్షం కురిసే అవకాశం ఉందని వాతావరణ శాఖ వెల్లడించింది. గురువారం నుంచి ఈ నెల 26 వరకు వానలు కురుస్తాయని పేర్కొంది.
ఇక బంగాళాఖాతంలో ఏర్పడిన ఉపరిత ఆవర్తనం వల్ల రాష్ట్రంలోని పలుచోట్ల ఉరుములతో కూడిన జల్లులు కురిసే అవకాశం ఉందని హైదరాబాద్ వాతావరణ కేంద్రం తెలిపింది. మరోవంక, బంగాళాఖాతంలో దక్షిణ అండమాన్, పరిసర ప్రాంతాల్లో ఈ నెల 25న తుఫాన్ ఆవర్తనం చెందే అవకాశం ఉందని వాతావరణశాఖ చెబుతోంది. ఈ ప్రభావంతో ఈ నెల 26 నాటికి ఆ ప్రాంతంలో అల్పపీడనం ఏర్పడవచ్చని తెలిపారు. అనంతరం అది పశ్చిమ- వాయవ్య దిశగా ప్రయాణించి ఈశాన్య బంగాళాఖాతం, అండమాన్ పరిసరాల్లో ఈ నెల 27 నాటికి వాయుగుండంగా బలపడతుందని పేర్కొన్నారు.
తమిళనాడు, కేరళ పరిసరాల్లో సముద్రమట్టానికి 3.1 కి.మీ.ఎత్తులో మరో తుఫాన్ ఆవర్తనం కొనసాగుతోందన్నారు. అక్టోబరు నుంచి డిసెంబరు వరకు ఆగ్నేయ బంగాళాఖాతంలో ఏర్పడిన అల్పపీడనాలు బలపడి వాయువ్యంగా పయనించి ఒడిశా, ఏపీ, తమిళనాడుతీరం దిశగా వస్తుంటాయి. ఈ ఏడాదివచ్చిన రెండు తుఫాన్లు అసాధారణంగా బంగ్లాదేశ్ వైపు వెళ్లిపోయాయి. వచ్చే వారం ఏర్పడే వాయుగుండం కూడా బంగ్లాదేశ్ దిశగానే వెళుతుందని అంచనా వేస్తున్నారు. రానున్న 24 గంటల్లో కోస్తా, రాయలసీమల్లో ఎక్కువచోట్ల వర్షాలు కురుస్తాయని వాతావరణ శాఖ తెలిపింది.
మరోవైపు భారీ వర్షం కారణంగా ప్రముఖ పుణ్యక్షేత్రం శబరిమల వెళ్లే రహదారిపై కొండచరిలు విరిగిపడ్డాయి. దీంతో అక్కడ ట్రాఫిక్కు తీవ్ర అంతరాయం ఏర్పడింది.
More Stories
సప్తపదితో ముడిపడినదే హిందూ వివాహం
మే 4 నుంచి దక్షిణాది రాష్ట్రాల్లో ఉరుములు, మెరుపులతో వర్షాలు
కొవిషీల్డ్ పై దర్యాప్తు కోరుతూ సుప్రీంలో పిటిషన్