ఇజ్రాయెల్‌లో మసీదుపై వైమానిక దాడి

ఈ దాడులలో ఇప్పటి వరకు 4,385 మంది పాలస్తీనియన్లు మరణించినట్లు పాలస్తీనా రెడ్‌ క్రీసెంట్‌ సొసైటీ (పిఆర్‌సిఎస్‌) డైరెక్టర్‌ మార్వాన్‌ జిలానీ తెలిపారు. ఐక్యరాజ్యసమితి గణాంకాల ప్రకారం, గాజాలో మరణించిన వారి సంఖ్య 4,137కు చేరుకుంది, వీరిలో 70 శాతం మంది మహిళలు, పిల్లలు ఉన్నారు. మరో వెయ్యి మంది గల్లంతయ్యారు  లేదా శిథిలాల కింద చిక్కుకున్నారు.

గాజాలోని హౌసింగ్‌ మంత్రిత్వ శాఖ, ఐరాస తెలిపిన వివరాల ప్రకారం, గాజా స్ట్రిప్‌లోని 30 శాతం నివాసాలు గత రెండు వారాల్లో ధ్వంసమయ్యాయి. వేల మంది తమ నివాసాలను కోల్పోయారు. ”బీట్‌ హనౌన్‌, బీట్‌ లాహియా, షుజారు, అబ్బాసన్‌ కబీరాతో సహా చాలా ప్రాంతాలు నాశనం చేయబడ్డాయి” అని ఐరాస పేర్కొంది.