విజయవాడలో బీజేపీ ఆధ్వర్యంలో శంఖానాదం కార్యక్రమానికి శ్రీకారం చుడుతూ బీజేపీ సోషల్ మీడియా, ఐటి ప్రతినిధులకు వర్క్ షాప్ నిర్వహించిన సందర్భంగా ఆమె మాట్లాడుతూ పేదల కోసం గ్యాస్పై రూ. 2 వందలు తగ్గిస్తే దాన్ని రాజకీయం చేయడం తగదని హితవు చెప్పారు. టీటీడీ వంటి హిందూ బోర్డులో అన్యమతస్తులను నియమించారని పేర్కొంటూ, మనోభావాలు దెబ్బ తినేలా నిర్ణయాలు తీసుకుంటున్నారని, దీని పైన పార్టీ తరపున పోరాటం చేస్తామని ఆమె ప్రకటించారు.
కేంద్రం ఏపీకి చేసిన సాయం, రాష్ట్ర ప్రభుత్వం వైఫల్యాలను తమ ప్రతినిధులు ప్రజలకు వివరిస్తారని పురంధేశ్వరి తెలిపారు. ఎన్నికల సమయానికి అందరూ సన్నధ్దం కావాలని ఆమె పిలుపిచ్చారు. సోషల్ మీడియా ఎంతో కీలకంగా పనిచేస్తోందని చెబుతూ సమాజంలో సోషల్ మీడియా అంశాలపైనే చర్చ సాగుతోందని ఆమె పేర్కొన్నారు.
సోషల్ మీడియాలో ఎలా పనిచేయాలో శిక్షణ ఇస్తామని పేర్కొంటూ ఎన్నికల సమర శంఖం పూరించేలా శంఖానాదం అని పేరు పెట్టామని చెప్పారు. మహిళలకు ప్రాధాన్యత ఇస్తూ మోదీ అనేక కార్యక్రమాలు చేపట్టారని, రాఖీ పండుగ సందర్భంగా సోదరీమణుల కోసం గ్యాస్ సిలిండర్ ధర తగ్గించారని మాజీ కేంద్ర మంత్రి వివరించారు.
రాష్ట్రంలో గ్రామ పంచాయతీల నిధులు మళ్లింపుపై తాము పోరాటం చేశామని, బీజేపీ మిత్ర పక్షమైన జనసేనతో కలిసి ఆందోళనలు నిర్వహించామని పురంధేశ్వరి తెలిపారు. అన్ని అంశాలను గవర్నర్కు, కేంద్రంలో పెద్దలకు ఫిర్యాదు చేశామని చెప్పారు. ‘నా భూమి, నాదేశం’ కార్యక్రమం బీజేపీ చేపట్టిందని, సెప్టెంబరు ఒకటి నుంచి 15 వరకు అన్ని గ్రామాల్లో మట్టిని సేకరిస్తామని తెలిపారు. పట్టణాలు, నగరాల్లో బియ్యం సేకరిస్తామని, ఆ మట్టిని ఢిల్లీ తీసుకెళ్లి అక్కడ అన్ని రాష్ట్రాల మట్టితో అమృత వనం ఏర్పాటు చేస్తామని పురంధేశ్వరి వివరించారు.
More Stories
రెండేళ్లలో పోలవరం పూర్తిచేస్తాం.. రాజధానిగా అమరావతి చేస్తాం
పోలింగ్కు ముందే జారిపోతున్న కాంగ్రెస్ ఎంపీ అభ్యర్థులు
పోలవరం పూర్తి చేసే బాధ్యత నాది