మరోవంక, చైనాలో ఆదివారం తెల్లవారుజామున భారీ భూకంపం వచ్చింది. రాజధాని బీజింగ్‌కు 300 కిలోమీటర్ల దూరంలో ఉన్న డెజౌ నగరంలో వేకువజామున 2.33 గంటలకు భూమి కంపించింది. రిక్టర్‌ స్కేలుపై దీని తీవ్రత 5.5గా నమోదయినట్లు చైనా ఎర్త్‌క్వేక్‌ నెట్‌వర్క్స్‌ సెంటర్‌ వెల్లడించింది. దీని ప్రభావంతో నగరంలోని 74 ఇండ్లు నేలమట్టమయ్యాయని ప్రభుత్వ మీడియా చైనా సెంట్రల్‌ టీవీ ప్రకటించింది. దీంతో 10 మంది గాయపడ్డారని తెలిపింది. అయితే ఎలాంటి ప్రాణనష్టం జరుగలేదని వెల్లడించింది. భూ అంతర్భాగంలో 10 కిలోమీటర్ల లోతులో భూమి కంపించిందని పేర్కొంది.