తెలంగాణ వరద ప్రాంతాలకు కేంద్ర బృందం

కాగా, భద్రాచలం వద్ద మూడో ప్రమాద హెచ్చరిక కొనసాగుతోంది. గోదావరి నీటి మట్టం భద్రాచలం వద్ద 54.7 అడుగులకు చేరింది. ముంపు ప్రాంత ప్రజలను అధికారులు అప్రమత్తం చేశారు. ఇప్పటికే పలువురిని పునరావాస కేంద్రాలకు అధికారులు తరలించారు. భద్రాచలంలో ఐదు పునరావాస కేంద్రాలకు వరద బాధితులను తరలించారు. గోదావరి నది ఉద్ధృతంగా ప్రవహించడంతో తెలంగాణ-ఛత్తీస్‌గఢ్ ప్రధాన రహదారిపై నీరు చేరింది. దీంతో తెలంగాణ-ఛత్తీస్‌గఢ్ మధ్య రాకపోకలు నిలిచిపోయాయి. ఎగువన భారీ వర్షాలు కురుస్తుండడంతో గోదావరి నది ప్రమాద స్థాయిని దాటి ప్రవహిస్తోంది.

ఇప్పటి వరకు రాష్ట్రవ్యాప్తంగా 18 మందికిపైగా మృతి చెందారు. గల్లంతైన వారి సంఖ్య ఇంకా పెద్ద సంఖ్యలోనే ఉందని తెలుస్తోంది. ప్రధానంగా… ములుగు జిల్లా జంపన్నవాగు వరదలో గల్లంతైన 15మందిలో ఎనిమిది మంది మృతదేహాలు శుక్రవారం లభ్యమయ్యాయి. మిగతావారి కోసం గాలింపు కొనసాగుతోంది.