కిలో రూ 80 లకే అందుబాటులోకి టమేటాలు

“కేంద్ర ప్రభుత్వం జోక్యం చేసుకుని హోల్​సేల్​ టమాటాల ధరలను తగ్గించింది. ధరలు ఎక్కువగా ఉన్న ప్రాంతాల్లో కాస్త ఉపశమనం లభించనుంది,” అని ఓ అధికారి వెల్లడించారు. ఢిల్లీతో పాటు నోయిడా, కాన్పూర్​, వారణాసి, పట్నా, ముజాఫర్​పూర్​లోని ఎన్​ఏఎఫ్​ఈడీ (నేషనల్​ లెవల్​ ఫార్మర్స్​ కో- ఆపరేటివ్​ మార్కెటింగ్​ ఆర్గనైజేషన్​), ఎన్​సీసీఎఫ్​ (నేషనల్​ కో-ఆపరేటివ్​ కన్జ్యూమర్​ ఫెడరేషన్​)ల ద్వారా సబ్సిడీ రేట్లకు టమాటాలను విక్రయిస్తోంది కేంద్రం.

“దేశంలోని 500కుపైగా సప్లై పాయింట్లలో పరిస్థితులను పరిశీలించిన తర్వాత కేంద్రం ఈ నిర్ణయం తీసుకుంది. ఆదివారం నుంచి సబ్సిడీలో ఇచ్చే కేజీ టమాటా ధర రూ. 80గా ఉండనుంది. దిల్లీ, బిహార్​, ఉత్తర్​ ప్రదేశ్​లలో తమ నిర్ణయం ఆదివారం అమల్లోకి వచ్చింది. మార్కెట్​లో ధర పరిస్థితి ఆధారంగా ఇతర నగరాల్లో సోమవారం నుంచి ఈ నిర్ణయం అమల్లోకి వస్తుంది,” అని కేంద్రం ఓ ప్రకటన విడదుల చేసింది.