ఈక్విటీ మార్కెట్లలోకి భారీగా విదేశీ పెట్టుబడులు 

 మే నెలలో రూ.43,838 కోట్లు, జూన్ నెలలో రూ.47,148 కోట్ల ఎఫ్‌పీఐ పెట్టుబడులు వచ్చి చేరాయి. ఈ ఏడాది ఇప్పటి వరకు దేశీయ స్టాక్ మార్కెట్లలోకి రూ.1.07 లక్షల కోట్ల ఎఫ్‌పీఐ పెట్టుబడులు వచ్చాయి. మున్ముందు దేశంలోకి విదేశీ పోర్ట్ ఫోలియో పెట్టుబడులు మరింత మెరుగ్గా విస్తృత ప్రాతిపదికన వస్తాయని మార్కెట్ విశ్లేషకులు చెబుతున్నారు.

ఇప్పటికీ భారత్‌లో పెట్టుబడులు, వాటి విలువతో పోలిస్తే చైనా పెద్ద ఎత్తున ఆకర్షణీయంగా కనిపిస్తున్నదని జియోజిత్ ఫైనాన్సియల్ సర్వీసెస్ చీఫ్ ఇన్వెస్ట్‌మెంట్ స్ట్రాటర్జీ ఆఫీసర్ వీకే విజయ్‌కుమార్ తెలిపారు. కనుక ఎఫ్‌పీఐల ‘సెల్ చైనా, బై భారత్’ పాలసీ ఎంతోకాలం కొనసాగదని స్పష్టం చేశారు.