17ఏళ్ల యువకుడి మరణం నేపథ్యంలో ”పోలీస్‌ కిల్స్‌” అనే బ్యానర్‌తో పాటు ”కిల్లర్‌ పోలీస్‌” అంటూ నిరసనకారులు నినాదాలతో ఫ్రాన్స్ దేశం నిరసనలతో అట్టుడికిపోతోంది. ఈ ఘటనకు బాధ్యత వహిస్తూ.. అంతర్గత మంత్రి గెరాల్డ్‌ డర్మానిన్‌ రాజీనామా చేయాలంటూ వారు డిమాండ్ చేస్తున్నారు.
ఫ్రాన్స్లో నేల్‌ సంస్మరణార్థం నానిటెల్ లో గురువారం చేపట్టిన నిరసన ర్యాలీపై పోలీసులు విరుచుకుపడ్డారు. నాహెల్ అనే యువకుడిపై ఓ పోలీసు అధికారి కాల్పులు జరిపాడు. ట్రాఫిక్ చెక్ను అతను అధిగమించడంతో కాల్పులు జరపాల్సి వచ్చిందని అధికారులు చెబుతున్నారు. ఈ కాల్పుల్లో 17 ఏళ్ల నాహెల్ ప్రాణాలు కోల్పోయాడు.
మరోవైపు ఈ ఘటనకు సంబంధించిన దృశ్యాలు సామాజిక మాధ్యమాల్లో వైరల్గా మారాయి. ఫ్రాన్స్లో జాతి వివక్ష ఉందని, బహుళ జాతి సమాజాలపై జరుగుతున్న దాడులకు ఈ ఘటన చిహ్నం అని విమర్శలు వెల్లువెత్తుతున్నాయి. ట్రాఫిక్ చెక్ను అధిగమించినంత మాత్రాన చంపే హక్కు పోలీసులకు లేదంటూ దేశవ్యాప్తంగా నిరసనలు మొదలయ్యాయి. వరుసగా మూడు రోజుల పాటు దేశవ్యాప్తంగా హింసాత్మక ఘటనలు జరిగాయి.
ప్రధాన నగరాల్లో 40 వేలకు పైగా మంది పోలీసులు, ఎలైట్ రైడ్, జీఐజీఎన్ యూనిట్ బృందాలు భద్రతా చర్యలు చేపట్టాయి. కానీ పెద్దగా ఫలితం దక్కడం లేదు. నిరసనలకు గంటగంటకు భారీ ఎత్తున మద్దతు పెరుగుతోంది. ఇప్పటివరకు 600మందిని పోలీసులు అరెస్ట్ చేశారు. కానీ ఇప్పటికే చాలా నష్టం జరిగిపోయిందని తెలుస్తోంది.
ఫ్రాన్స్వ్యాప్తంగా అనేక నగరాల్లో వాహనాలకు నిరసనకారులు నిప్పంటించారు. పలు భవనాలను ధ్వంసం చేశారు. లిల్లే ప్రాంతంలోని ఓ ప్రాథమిక పాఠశాలకు నిప్పంటించారు. తమకు న్యాయం జరగాలంటూ డిమాండ్ చేస్తున్నారు. ఈ క్రమంలో పోలీసులతోనూ వాగ్వాదానికి దిగుతున్నారు. ఫలితంగా ఇప్పటివరకు వివిధ ఘటనల్లో 249మంది పోలీసులు గాయపడ్డారు.
ఫ్రాన్స్ అధ్యక్షుడు మాక్రోన్కు వాస్తవానికి ఈయూ సమావేశం కోసం బ్రసెల్స్కు వెళ్లారు. కానీ దేశంలో పరిస్థితులు అదుపు తప్పిపోతుండటంతో బ్రసెల్స్ పర్యటనను ఆయన అర్ధంతరంగా ముగించుకుని దేశానికి తిరిగి వస్తున్నట్లు తెలుస్తోంది. “నేను పోలీసు వ్యవస్థను నిందించడం లేదు. ఆ ఒక్క అధికారిపైనే ఆ కోపం అంత. నా బిడ్డ ప్రాణాలను అతనే తీశాడు. నా కుమారుడు అరబ్ అని తెలిసే, అతని ప్రాణాలు తీశాడు,” అని నాహెల్ తల్లి మౌనియా ఆరోపించారు.
అయితే, “ఈ ఘటన చాలా దురదృష్టకరం. కానీ నాహెల్ను చంపడం ఆ పోలీసు ఉద్దేశం కాదు. మేము రోజు నిద్రలేచి, ఎవరినో ఒకరిని చంపాలని అనుకోము,” అని అధికారులు చెబుతున్నారు. కాగా.. నాహెల్పై కాల్పులు జరిపిన పోలీసుకు సంబంధించిన వివరాలను అధికారులు చెప్పడం లేదు. అయితే, ఘటనకు కారణమైన పోలీసును అదుపులోకి తీసుకున్నట్లు మాత్రం స్పష్టం చేశారు.
More Stories
ఎన్నికల ప్రచారం ప్రాథమిక హక్కు కాదు!
జిహాద్ కు, అభివృద్ధికి మ‌ధ్య ఎన్నిక‌లు
ఎంఐఎం, కాంగ్రెస్ లకు వేసే ఓటు నేరుగా పాకిస్థాన్‌కే