ఆయన కార్యాలయాలు, నివాసంలో కూడా ఐటీ అధికారుల బృందం తనిఖీలు నిర్వహించింది. కంప్యూటర్‌, వ్యక్తిగత ల్యాప్‌ట్యాప్‌, మొబైల్స్‌ స్వాధీనం చేసుకొని విచారించారు. మధుసూధన్‌ రెడ్డితో పాటు భార్య, కుమారుడిని అధికారులు ప్రశ్నించారు. నలుగురి మధ్య ఉన్న రియల్ ఎస్టేట్ భాగస్వామ్య వ్యాపార లావాదేవీలపై ఆరా తీస్తున్నారు. ఇటీవల కాలంలో బీఆర్ఎస్ ప్రజాప్రతినిధులతో మధుసూధన్ రెడ్డి జరిపిన లావాదేవీలపై విచారణ చేపడుతున్నారు.

ఇద్దరు ఎమ్మెల్యేలకు సంబంధించి హైదరాబాద్‌, బెంగళూరులో సాగించిన వెంచర్లు, విల్లాల అమ్మకాల్లో నగదు లావాదేవీలను గుర్తించినట్టు సమాచారం. ఇద్దరు ఎమ్మెల్యేలు వారి కుటుబ సభ్యుల పేర్లతో ఉన్న బ్యాంకు లాకర్లను ఐటీ అధికారులు గుర్తించారు. కీలక డాక్యుమెంట్లు, విలువైన ఆభరణాలను ఐటీ అధికారులు గుర్తించినట్లు తెలుస్తోంది.