కెనడాలో `ఇందిరా హత్య’ వేడుకలపై భారత్ ఆగ్రహం

మాజీ ప్రధాని దివంగత ఇందిరాగాంధీ హత్యను కెనడాలో ఖలిస్థాన్ మద్దతుదారులు సెలబ్రేట్ చేసుకున్నారనే వార్తలపై విదేశాంగ శాఖ మంత్రి జైశంకర్ ఆగ్రహం వ్యక్తం చేశారు.  భారత్ తో మంచి సంబంధాలు కోరుకునే కెనడాకు ఇది సరికాదని స్పష్టం చేశారు. కెనడాలో వేర్పాటువాదులు, తీవ్రవాదులు, హింసను సమర్థించే వ్యక్తులకు అవకాశం ఇవ్వడం సరికాదని, ఇది భారత్‌తోను సత్సంబంధాలకు మంచిది కాదని ఆయన హెచ్చరించారు. ఇందిర హత్యను కెనడాలో సెలబ్రేట్ చేసుకునే వారిపై ఆయన తీవ్రంగా స్పందించారు.

ఇందులో పెద్ద సమస్య ఉందని తాను భావిస్తున్నానని, ఓటు బ్యాంకు రాజకీయాల అవసరాలు కాకుండా ఎవరైనా ఇలా ఎందుకు చేస్తారో మనం అర్థం చేసుకోలేకపోతున్నామని జైశంకర్ పేర్కొన్నారు. వేర్పాటువాదులకు, తీవ్రవాదులకు, హింసను సమర్థించే వ్యక్తులకు చోటు కల్పించడం సమంజసం కాదని, ఇది కెనడాకు కూడా మంచిది కాదని ఆయన హితవు చెప్పారు.