సాగునీటిపై కేసీఆర్ అంకెల గారడీ

రీడిజైన్ల పేరుతో లక్షకుపైగా కోట్లు ఖర్చు చేసి నిర్మించిన కాళేశ్వరం ప్రాజెక్టువల్ల ఏటా విద్యుత్ ఛార్జీల ద్వారా ప్రజల మీద పడే భారం రూ. 8,677 కోట్లు.  అంటే ఒక ఎకరానికి రూ. 47 వేలు ఖర్చు అంటూ ఒక రైతు ఎకరా వడ్లు పండిస్తే కూడా ఇంత పంటరాదని ధ్వజమెత్తారు. పైగా, కాళేశ్వరం ద్వారా ఒక్క ఎకరానికి కూడా అదనంగా నీరివ్వలేదని స్పష్టం చేశారు.

2014 టీఆర్ఎస్ మేనిఫెస్టోలో ప్రతి నియోజకవర్గానికి లక్ష ఎకరాలకు సాగునీరందిస్తామని హామీ ఇచ్చారని గుర్తు చేశారు. ఆయన అధికారంలోకి వచ్చాక కొత్తగా కట్టిన ప్రాజెక్టులవల్ల అదనంగా ఒక్క ఎకరానికైనా నీళ్లు ఇచ్చారా? అని ప్రశ్నించారు. దమ్ముంటే వారు కట్టిన ప్రాజెక్టులవల్ల ఏ నియోజకవర్గానికి ఎన్ని ఎకరాలకు కొత్తగా సాగునీరందించారో శ్వేత పత్రం విడుదల చేస్తారా? అని సవాల్ చేశారు.

• డిపార్ట్ మెంట్ ఆఫ్ ఎకనామిక్స్ అండ్ స్టాటిస్టిక్స్ లెక్కల ప్రకారం తెలంగాణ మొత్తం భౌగోళిక విస్తీర్ణం 2.76 కోట్ల ఎకరాలుంటే, అందులో 61.77 లక్షల ఎకరాలు అటవీ భూమి అని ఆయన చెప్పారు. 34.59 లక్షల ఎకరాలు బీడు భూములు కాగా, 22.23 లక్షల ఎకరాలు  వ్యవసాయేతర అవసరాలకు (రియల్ ఎస్టేట్, వాణిజ్యం) వినియోగిస్తున్నారని సుధాకరరెడ్డి వివరించారు.

ఇక మిగిలింది 1.06 కోట్ల ఎకరాల భూమి మాత్రమే సాగు యోగ్యమైనదని, స్వాతంత్ర్యం వచ్చినప్పటి నుండి ఇప్పటి వరకు కట్టిన వివిధ ప్రాజెక్టుల ద్వారా 20 లక్షల ఎకరాలకు మాత్రమే సాగు నీరందుతోందని ఈ గణాంకాలు చెబుతున్నట్లు ఆయన చెప్పారు. మిగిలిన భూములన్నీ, అంటే దాదాపు 84% బోర్‌వెల్ నీటిపారుదలపై ఆధారపడి ఉన్నాయని పేర్కొన్నారు.

తెలంగాణ ఏర్పడే నాటికి రాష్ట్రంలో 18 లక్షలకుపైగా వ్యవసాయ బోర్లుండగా, ఈ పదేళ్లలో ఆ సంఖ్య 26 లక్షలు దాటిందని చెబుతూ  నిజంగా ప్రాజెక్టులు కట్టి ఉంటే, అవి సాగులోకి వచ్చి ఉంటే బోర్ల సంఖ్య తగ్గేవిగదా అని ప్రశ్నించారు.