ఇప్పుడిప్పుడే కరోనా వైరస్ నుంచి కోలుకుంటున్నామంటే ఇప్పుడు దేశ వ్యాప్తంగా హెచ్3ఎన్2 ఇన్‌ఫ్లుఎంజా వైరస్ వేగంగా విస్తరిస్తోంది. తాజాగా ఈ వైరస్ బారిన పడిన ఓ మహిళ మరణించింది. దీంతో ఈ వైరస్ కారణంగా మరణించిన వారి సంఖ్య 7కు చేరుకుంది. జనవరి 1 నుంచి మార్చి 5 వరకు దేశంలో 451 హెచ్3ఎన్2 వైరస్ కేసులు నమోదయ్యాయి.
తాజాగా గుజరాత్ లోని వడోదరలో 58 ఏళ్ల మహిళ హెచ్3ఎన్2 ఇన్‌ఫ్లుఎంజా వైరస్ కారణంగా చనిపోయింది. గత వారం కర్ణాటక, హర్యానాల్లో ఇదే వైరస్ బారిన పడి ఇద్ధరు మరణించారు. దేశంలోనే తొలిసారిగా కర్ణాటకలోని హసన్ లో 82 ఏళ్ల వ్యక్తి హెచ్3ఎన్2తో మృతి చెందాడు. మరోవైపు వైరస్ పట్ల అప్రమత్తంగా ఉండాలన కేంద్ర ఆరోగ్య మంత్రిత్వ శాఖ సూచించింది. హెచ్3ఎన్ 2 వైరస్ పై ప్రజలు అప్రమత్తంగా ఉండాలని పేర్కొన్నారు. మాస్కులు ధరించాలని సూచించింది. మార్చి నెల చివరి వరకు ఈ వైరస్ కేసులు తగ్గుముఖం పడతాయని తెలిపింది.
రోగులకు ఉన్న లక్షణాల ఆధారంగా చికిత్సను సూచించాలని వైద్యులను కోరింది. ఈ ఇన్ఫెక్షన్‌ సాధారణంగా ఐదు నుంచి ఏడు రోజుల్లోపే తగ్గిపోతుందని, సీజనల్‌ జ్వరాలు మూడు రోజుల్లోనే తగ్గితే.. దగ్గు మాత్రం మూడు వారాల వరకూ కొనసాగుతుందని పేర్కొంది. వైరస్ బారిన పడకుండా పాటించాల్సిన జాగ్రత్తల జాబితాను ఐఎంసీఆర్‌ విడుదల చేసింది.
More Stories
ఢిల్లీలోని 40కు పైగా స్కూళ్లకు బాంబు బెదిరింపులు
పోలీసుల మధ్య కాల్పులు .. ఉదంపూర్‌లో ఇద్దరు పోలీసులు మృతి
ఢిల్లీలో గాలి నాణ్యత మెరుగుపడటంతో ఆంక్షల సడలింపు