కేంద్ర పథకాల అమలుకు సహకరించని కేసీఆర్

కేంద్ర పథకాల అమలుకు కేసీఆర్ ప్రభుత్వం సహకరించడం లేదని కేంద్ర మంత్రి జి. కిషన్ రెడ్డి విమర్శించారు. అందుకనే కేంద్రాన్ని విమర్శించే నైతిక హక్కు బిఆర్ఎస్ నేతలకు లేదని స్పష్టం చేశారు.   కేంద్రం ఏం అడిగినా రాష్ట్ర ప్రభుత్వం స్పందించడం లేదని ఆయన విమర్శించారు.  ట్రైబల్ యూనివర్శిటీ డీపీఆర్  కోసం కేంద్రం కోటి రూపాయలు ఇచ్చిందని  కానీ..  రాష్ట్ర ప్రభుత్వం  స్థలం కూడా కేటాయించడం లేదని ఆరోపించారు. 

ట్రైబల్ మ్యూజియం ఏర్పాటుకు ప్రభుత్వం ఇప్పటి వరకు భూమి ఇవ్వలేదని కిషన్ రెడ్డి వెల్లడించారు.  అలాగే సైనిక స్కూల్, సైన్స్ సిటీ కోసం కూడా భూములు కేటాయింపలేదని చెప్పారు. ఘట్ కేసర్, యాదాద్రి ఎంఎంటీ కోసం భూములివ్వడం లేదని ఆరోపించారు.  రామగుండం, బీహెచ్ఈఎల్, శంషాబాద్ లో ఈఎస్ఐ ఆస్పత్రులు నిర్మిస్తామని పదే పదే లేఖ రాసినా ఇప్పటి వరకు రాష్ట్ర ప్రభుత్వం స్పందించడం లేదని వెల్లడించారు.