“నేడు ఉద్దేశపూర్వకంగా, చట్టబద్ధంగా చర్య చేపట్టాం. అధ్యక్షుడు జో బైడెన్, ఆయన జాతీయ రక్షణ బృందం ఎల్లప్పుడూ అమెరికా ప్రజల భద్రతకే తొలి ప్రాధాన్యతనిస్తుందని నిరూపించాం. పీఆర్సీ (రిపబ్లిక్ ఆఫ్ చైనా) నిబంధనల ఉల్లంఘనను ప్రభావంతంగా తిప్పికొట్టాం” అని అమెరికా రక్షణ కార్యదర్శి లాయిడ్ ఆస్టిన్ ఓ ప్రకటన ద్వారా వెల్లడించారు.
ఆకాశంలో చిన్న పేలుడు జరిగినట్టు అమెరికా స్థానిక మీడియాలో ఫుటేజ్ వెల్లడైంది. ఆ తర్వాత ఆ బెలూన్ సముద్ర జలాల్లో పడిపోతున్నట్టుగా కనిపించింది. ఇక ఆ బెలూన్ శిథిలాలను వీలైనంత మేర సేకరించేందుకు ఓ షిప్ను కూడా అమెరికా పంపింది.
ఉత్తర అమెరికాలోని ప్రధానమైన సైనిక స్థావరాల సమాచారాన్ని తెసుకునేందుకు ఈ స్పై బెలూన్ను చైనా పంపిందని అమెరికా అనుమానించింది. దీంతో అమెరికా, చైనా మధ్య మరోసారి ఉద్రిక్తతలు పెరిగాయి. ఈ బెలూన్ గురించి జో బైడెన్ను మీడియా ప్రశ్నించగా.. “దాని గురించి మేం చూసుకుంటాం” అని పేర్కొన్నారు.
అమెరికా గగనతలంలో జనవరి 28న తొలిసారి ఈ బెలూన్ను గుర్తించారు. ఖండాంతర బల్లాస్టిస్ మిసైళ్లు ఉన్న మోంటానాలో ముందుగా ఈ బెలూన్ను కనిపెట్టింది అమెరికా. ఆ తర్వాత క్రమంగా అది ఉత్తర కరోలినాకు చేరుకుంది. అక్కడ ఆ బెలూన్ను అమెరికా కూల్చివేసింది. ఆ బెలూన్ తమ దేశానికే చెందిందని చైనా కూడా అంగీకరించింది. అయితే వాతావరణంపైపరిశోధన చేసేందుకు దాన్ని పంపామని, అది సివిలియన్ ఎయిర్ షిప్ అని ప్రకటించింది. అనుకోకుండా అది దారి మార్చుకొని అమెరికా వైపునకు వెళ్లిందని చైనా విదేశీ మంత్రిత్వ శాఖ ప్రకటించింది.
కాగా, అమెరికా తమ బెలూన్ను కూల్చివేయడంపై డ్రాగన్ ఘాటుగా స్పందించింది. పౌర గగన నౌక కూల్చివేతపై తీవ్ర అసంతృప్తి వ్యక్తంచేసింది. దీనికి అగ్రరాజ్యం తీవ్రమైన పరిణామాలు ఎదుర్కోవాల్సి ఉంటుందని హెచ్చరించింది. అంతర్జాతీయ వ్యవహారాల విషయంలో ఇది తీవ్ర ఉల్లంఘనేనని ఆరోపించింది. ఈ మేరకు చైనా విదేశాంగ శాఖ ఓ ప్రకటన విడుదల చేసింది. బెలూన్ సంచరించిన ఘటనను అమెరికా ప్రశాంతంగా డీల్ చేయాలని కోరుకున్నట్లు తెలిపింది.
More Stories
నిజ్జర్ హత్య కేసులో ముగ్గురు భారతీయుల అరెస్ట్
భారత్ కు బంగ్లాదేశ్ లో టి20 మహిళా క్రికెట్ సిరీస్
ఇజ్రాయిల్తో వాణిజ్యాన్ని నిలిపివేస్తున్న టర్కీ