రేంజర్ల రాజేష్ ను అరెస్టు చేయకపోతే ప్రగతి భవన్ ముట్టడి

రాష్ట్రంలో హిందూ వ్యతిరేక పాలన సాగుతోందని, నాస్తికవాదం ముసుగులో హిందుత్వంపై దాడి జరుగుతోందని ఆగ్రహం వ్యక్తం చేశారు.

పథకం ప్రకారమే కెసిఆర్ ప్రభుత్వం హిందువులను అణిచివేసే కార్యక్రమం పెట్టుకుందని విమర్శించారు.  సీఎం ఆదేశానుసారం పోలీస్ యంత్రాంగం చట్టాన్ని ఉల్లంఘిస్తోందని, నిందితులకే మద్దతుగా నిలుస్తోందని పరిషత్ నేతలు ధ్వజమెత్తారు.  నిందితులకు మద్దతు పలుకుతూ, బాధితులను భయకంపితులను చేస్తోందని మండిపడ్డారు. రాష్ట్ర ప్రభుత్వం ఓటు బ్యాంకు చర్యలు మానుకోవాలని పేర్కొంటూ హిందువులను ఎంత అణచివేస్తే అంత తిరుగుబాటు చేయక తప్పదని హెచ్చరించారు.

దేశానికే తెలంగాణ పోలీసులు తలమానికమని చెప్పుకుంటున్న రాష్ట్ర ప్రభుత్వానికి రేంజర్ల రాజేష్ ను పట్టుకోకపోవడం సిగ్గుచేటని వారు ధ్వజమెత్తారు.  అడుగడుగున సీసీ కెమెరాలు ఏర్పాటు చేసి అంతర్జాతీయ స్థాయిలో నిఘా ఏర్పాటు చేశామని గొప్పలు చెప్పుకుంటున్న ప్రభుత్వం హిందూ దేవతలను నీచంగా దూషించిన దుర్మార్గుడిని అరెస్టు చేయకపోవడం పోలీసుల అసమర్ధత కు నిదర్శనం అని ఘాటుగా స్పందించారు.

ఈ విషయంలో రాష్ట్ర ప్రభుత్వం నిర్లక్ష్యం వహిస్తే సరస్వతీ మాత భక్తుల ఆగ్రహం చవిచూడక తప్పదని వారు హెచ్చరించారు. కల్వకుర్తి పట్టణ కేంద్రంగా హిందూ యువకులను ముస్లింలుగా మతం మారుస్తున్నారని పేర్కొంటూ ఈ విషయం పోలీసులకు ఫిర్యాదు చేసినా పట్టించుకోవడం లేదని విమర్శించారు. రాష్ట్ర ప్రభుత్వం అండదండలతో ఈ తంతు సాగుతుందని స్పష్టం చేశారు.