హిందూ దేవుళ్లపై, అయ్యప్ప స్వామిపై భారత నాస్తిక సమాజ ప్రతినిధి, ఓయూ విద్యార్థి భైరి నరేష్ చేసిన వివాదాస్పద వ్యాఖ్యలు తీవ్ర దుమారాన్ని రేపాయి. అతని వ్యాఖ్యలకు వ్యతిరేకంగా తెలంగాణ రాష్ట్ర వ్యాపంగా అయ్యప్ప స్వాములు ఆగ్రహం వ్యక్తం చేస్తున్నారు. ఎక్కడిక్కడ ఆందోళన నిర్వహించి బైరి నరేష్ పై కఠిన చర్యలు తీసుకోవాలని పోలీసులకు ఫిర్యాదు చేస్తున్నారు.
హిందూ దేవుళ్లు, అయ్యప్ప స్వామిపై ఓయూ విద్యార్థి సంఘం నాయకుడు బైరి నరేశ్ అనుచిత వ్యాఖ్యలు చేశారంటూ కోస్గి మండల కేంద్రంలో అయ్యప్ప స్వాములు నిరసన కార్యక్రమం చేపట్టారు. ఆ సమయంలో అక్కడికి వచ్చిన బైరి నరేశ్పై అయ్యప్ప స్వాములు దాడి చేశారు. ఆయన్ను రోడ్డుపై పరిగెత్తించుకుంటూ కొట్టారు. దీంతో అక్కడ ఉద్రిక్తవాతావరణం నెలకొంది. సమాచారం అందుకున్న పోలీసులు.. అయ్యప్ప భక్తులను శాంతిపజేసే ప్రయత్నం చేశారు. అనంతరం అక్కడి నుంచి బైరి నరేశ్ కారులో పరారయ్యాడు.
కాగా ప్రస్తుతం బైరి నరేష్ పరారీలో ఉండగా..పోలీసులు గాలింపు చర్యలు చేపట్టారు. ఇప్పటికే అతని కుటుంబసభ్యులను విచారించిన పోలీసులు అతని కోసం వెతుకుతున్నారు. కాగా ఈరోజు మధ్యాహ్నం లోపు లొంగిపోతానని నరేష్ పోలీసులకు సమాచారం ఇచ్చినట్టు తెలుస్తుంది. ఎట్టకేలకు నేడు వరంగల్లో పోలీసులు అరెస్ట్ చేశారు.
నిర్మల్లో అయ్యప్పస్వాములు నిరసనకు దిగారు. ఎన్టీఆర్ మినీ స్టేడియం నుంచి కలెక్టర్ కార్యాలయం వరకు ర్యాలీ నిర్వహించారు. బైరి నరేశ్కు వ్యతిరేకంగా నినాదాలు చేశారు. హైదరాబాద్ జగద్గిరిగుట్టలోనూ అయ్యప్ప స్వాములు, హిందూ సంఘాల ప్రతినిధులు నిరసన తెలిపారు. హైదరాబాద్బీజాపూర్ జాతీయ రహదారిపై అయ్యప్ప భక్తులు ధర్నా చేపట్టారు. చేవెళ్ల, మొయినాబాద్లో రోడ్డుపై నిరసనతో కిలోమీటర్ల మేర వాహనాలు నిలిచిపోయాయి.
మరోవైపు బైరి నరేష్పై పోలీసులు 4 సెక్షన్ల కింద ఆయనపై కేసులు నమోదు చేశారు. ప్రస్తుతం నరేష్ పరారీలో ఉండగా అతడి కోసం పోలీసులు గాలింపు చర్యలు చేపట్టారు. మత విద్వేషాలు రెచ్చగొట్టే విధంగా వ్యాఖ్యలు చేస్తే ఉపేక్షించబోమని వికారాబాద్ ఎస్పీ కోటి రెడ్డి హెచ్చరించారు. మనోభావాలు దెబ్బతినేలా వ్యవహరిస్తే చర్యలు తప్పవని స్పష్టం చేశారు.
శాంతికి విఘాతం కలిగించే వారిని సభలు, సమావేశాలకు పిలవొద్దని ఎస్పీ సూచించారు. ప్రతి ఒక్కరూ మత సామరస్యంతో మెలగాలని సమాజంలో శాంతికి దోహదపడాలని తెలిపారు. సున్నితమైన అంశాలపై వివాదస్పద వ్యాఖ్యలు చేస్తే సహించేది లేదని ఎస్పీ తేల్చి చెప్పారు.ఇదిలా ఉంటే నిన్న బైరి నరేష్ మరో వీడియోను అప్ లోడ్ చేసినట్టు తెలుస్తుంది. ఈ వీడియోలను పోలీసులు పరిశీలిస్తున్నారు. ఐపీ అడ్రెస్ ఆధారంగా అతని ఆచూకీని ట్రేస్ చేస్తున్నారు.
More Stories
రెండేళ్లలో పోలవరం పూర్తిచేస్తాం.. రాజధానిగా అమరావతి చేస్తాం
పోలింగ్కు ముందే జారిపోతున్న కాంగ్రెస్ ఎంపీ అభ్యర్థులు
పోలవరం పూర్తి చేసే బాధ్యత నాది