చికోటి ప్రవీణ్ క్యాసినో వ్యవహారంలో ముగ్గురు మంత్రులు!

పంజాగుట్టలోని ఊర్వశి బార్ మాజీ ఎంపీ బుట్టా రేణుక సోదరుడు యుగంధర్ దే. ఫారిన్ ఎక్స్ చేంజ్ మేనేజ్మెంట్ యాక్ట్ ను ఉల్లంఘించారనే అభియోగాలను గురునాథ్ రెడ్డి ఎదుర్కొంటున్నారు. ఆ తర్వాత టిఆర్ఎస్ ఎమ్మెల్సీ ఎల్.రమణ, మెదక్ డీసీసీబీ చైర్మన్ దేవేందర్ రెడ్డిలను కూడా ఈడీ అధికారులు విచారించారు.

గోవా, నేపాల్‌‌, థాయ్‌‌లాండ్‌‌, హాంకాంగ్‌‌లో క్యాసినోకు వెళ్లిన తెలుగు రాష్ట్రాలకు చెందిన వారిని ఈడీ విచారిస్తోంది. ఇందులో భాగంగా మంత్రి తలసాని శ్రీనివాస్ యాదవ్‌‌ పీఏ హరీశ్ కు కూడా నోటీసులు ఇచ్చినట్లు ప్రచారం జరుగుతోంది. ఇదే విషయమై హరీశ్​ను వివరణ కోరగా ‘‘నో కామెంట్‌‌’’ అంటూ జవాబిచ్చారు. సికింద్రాబాద్‌‌కు చెందిన మరో ముగ్గురికి కూడా ఈడీ నోటీసులు ఇచ్చినట్లు తెలిసింది. శని, సోమవారాల్లో బషీర్‌‌‌‌బాగ్‌‌లోని ఈడీ కార్యాలయంలో హాజరుకావాలని ఆదేశించినట్లు సమాచారం.

ఏపీ, తెలంగాణలోని వివిధ పార్టీలకు చెందిన ఎమ్మెల్యేలు, వ్యాపారవేత్తలు చీకోటి క్యాసినో బిజినెస్‌‌‌‌లో పెట్టుబడులు పెట్టినట్లు ఈడీ అధికారులు ఆధారాలు సేకరించారు. హాంకాంగ్‌, ఇండోనేషియా, శ్రీలంక, నేపాల్‌, గోవాలో ప్లేయింగ్‌‌‌‌ కార్డ్స్‌‌‌‌, క్యాసినో క్లబ్స్‌‌‌‌ కోసం ఇన్వెస్ట్‌‌‌‌మెంట్ చేసినట్లు ఆధారాలు రాబట్టారు.

గోవా, నేపాల్‌‌‌‌లో క్యాసినో లీగల్ కావడంతో అక్కడే పదుల సంఖ్యలో క్యాసినో సెంటర్లు ఏర్పాటు చేసినట్లు, బినామీల పేర్లతో సెంటర్లు నిర్వహిస్తున్నట్లు ఈడీ అధికారులు గుర్తించారు. మరి ఈ కేసులో  ఇంకెంత మంది ప్రముఖుల పేర్లు బయటకు వస్తాయో చూడాలి.