ఫిఫా వరల్డ్ కప్ నేపథ్యంలో జగిత్యాల జిల్లాపై విదేశీ మీడియా దృష్టి

ఖతార్ లో డ్యూటీలో జరిగిన ప్రమాదంలో మృతి చెందిన జగిత్యాల జిల్లా మల్లాపూర్ మండలం చిట్టాపూర్ గ్రామానికి చెందిన సురుకంటి జగన్ కుటుంబాన్ని బుధవారం ఫ్రాన్స్ టీవీ ప్రతినిధి జెర్మేన్ బస్లే ఇంటర్వూ చేశారు. ఇంటి పరిసరాలను, గ్రామాన్ని డ్రోన్ కెమెరా ద్వారా వీడియో తీసుకున్నారు.

గల్ఫ్ మృతుడి కుటుంబ సభ్యుల తెలుగు సంభాషణను ప్రవాసి మిత్ర లేబర్ యూనియన్ అధ్యక్షులు స్వదేశ్ పరికిపండ్ల ఇంగ్లీష్ లోకి అనువాదం చేశారు. గల్ఫ్ జెఏసి చైర్మన్ గుగ్గిల్ల రవిగౌడ్, విదేశీ జర్నలిస్టుకు మార్గదర్శకులుగా వ్యవహరించారు.

గల్ఫ్ వలసల విశ్లేషకులు, అంతర్జాతీయ కార్మిక నిపుణుడు మంద భీంరెడ్డి, వలస కార్మికుల హక్కుల కార్యకర్త స్వదేశ్ పరికిపండ్ల ఇద్దరు కలిసి ఈ సమాచారాన్ని ఇంగ్లీష్ పత్రికకు అందించారు.   ఇండియన్ ఎక్స్ ప్రెస్ వార్తా కథనంపై భారత విదేశాంగ శాఖ సహాయ మంత్రి వి. మురళీధరన్ స్పందించి మృతుల కుటుంబాలకు పరిహారం అందేలా ప్రయత్నించాలని దోహా ఖతార్ లోని ఇండియన్ ఎంబసీ అధికారులను ఆదేశించారు.

ఫుట్ బాల్ స్టేడియాలు తదితర నిర్మాణాలు, నిర్వహణ కొరకు 8 బిలియన్ డాలర్లు ఖర్చు అయింది. 17 బిలియన్ డాలర్ల లాభం చేకూరుతుందని అధికారికంగా అంచనా వేశారు.  17 బిలియన్లు అంటే 1700 కోట్ల డాలర్లు. భారత కరెన్సీలో ఒక లక్షా 40 వేల కోట్ల రూపాయలు.