జీడీపీ వృద్ధిరేటుకి సహకరిస్తున్న యూట్యూబ్ క్రియేటర్లు

అలాగే ఆడియన్స్ను కూడా పెంచుకునే అవకాశం ఇస్తోందని చెబుతూ  యూట్యూబ్ ప్లాట్ఫాంపై అన్నిరకాల వ్యాపారాలు చాలా వేగంగా అభివృద్ధి చెందుతున్నాయని తెలిపారు. చిన్న చిన్న బిజినెస్ ప్లాట్ఫాంలో యాడ్స్ ద్వారా యూట్యూబ్ ఫైనాన్షియల్ హెల్ప్ చేస్తున్నదని నీల్ మోహన్ వివరించారు.

దాదాపుగా దేశంలో మాట్లాడే అన్ని భాషల్లో యూట్యూబ్ సేవలు అందుతున్నాయని ఆయన తెలిపారు. కంటెంట్ క్రియేటర్లతో పాటు యూజర్లకు సురక్షితమైన సేవలు అందించేందుకు కట్టుబడి ఉన్నామని స్పష్టం చేశారు. భారత దేశం మొత్తంలో కంటెంట్ క్రియేటర్స్ ముందుగా ఎంచుకునేది యూట్యూబ్ అని చెప్పారు.

ఒక్క కంటెంట్ క్రియేటర్ కోట్లాది మందిని ప్రభావితం చేస్తాడని, అందుకే ప్రభుత్వం ఈ ప్లాట్ఫాంపై ఏం జరుగుతుందో ఎప్పటికప్పుడు తెలుసుకోవడం సహజమని వివరించారు. తప్పుడు సమాచారం వ్యాప్తి జరగకుండా చూసుకోవాల్సిన బాధ్యత కంటెంట్ క్రియేటర్లు, ప్రభుత్వాలతో పాటు యూట్యూబ్పై కూడా ఉంటుందని ఆయన స్పష్టం చేశారు.

తమ అభిప్రాయాలను షేర్ చేసుకునేందుకు యూట్యూబ్ ఓ వేదిక అని చెప్పారు. ఫేక్ న్యూస్ వ్యాప్తి, హింసను నిరోధించడంలో తమ విధానం స్పష్టంగా ఉందని ఆయన తేల్చి చెప్పారు.