పూజా సామగ్రి తప్ప నగదు లేని బ్యాగులతో నవ్వులపాలైన టిఆర్ఎస్  

కేసీఆర్ ప్రభుత్వం అధికార పార్టీ ఎమ్యెల్యేల కొనుగోలుకు బేరసారాలు ఆడుతున్నారని అంటి ఎంతో ఆర్భాటంగా ఆరోపణల కురిపించిన ఆరోపణల వర్షం పసలేనివిగా వెల్లడయ్యాయి. నిందితులకు రేమండ్ ఇవ్వడానికి ఎసిబి కోర్ట్ జడ్జి తిరస్కరించడంతో పాటు అసలు అక్కడ నేరం జరిగింది అనడానికి ఎటువంటి ఆధారాలు చూపలేక పోయారని కూడా పేర్కొనడం గమనార్హం.

ఫామ్‌‌హౌస్‌‌లో గుర్తించిన టీఎస్07 హెచ్ఎమ్2777 కారు ఈ కేసులో కీలకంగా మారింది. ఎమ్మెల్యేలకు రూ.వంద కోట్లు ఇచ్చేందుకు ఫామ్‌‌హౌస్‌‌లో డీల్ జరిగిందని ప్రచారం జరుగుతుండడంతో పోలీసులు ఆధారాల కోసం సోదా సందర్భంగా  కారులో ఉన్న 3బ్యాగ్స్‌‌ను తనిఖీ చేశారు. అందులో పూజా సామగ్రి, పంచలు, గోపంచకం ఉన్నట్లు గుర్తించినట్లు తప్పా అసలు నగదు కనిపించక పోవడంతో నవ్వుల పాలయ్యారు.

అయితే కారు వివరాలు కానీ, బ్యాగ్స్‌‌లో ఏమున్నాయనే దాని గురించి కానీ పోలీసులు వెల్లడించలేదు. రూ.100 కోట్లు అంటూ రోహిత్‌‌రెడ్డి ఇచ్చిన స్టేట్‌‌మెంట్‌‌ మినహా డబ్బుకు సంబంధించిన ఆధారాలు ఎక్కడా లభించలేదు. కారు గచ్చిబౌలి ఖాజాగూడకు చెందిన గండవరం దిలీప్‌‌కుమార్‌‌‌‌కు చెందినదిగా గుర్తించారు. దిలీప్‌‌కుమార్.. ఎమ్మెల్యే గువ్వల బాలరాజు అనుచరుడని తెలిసింది.  ఇదే కారును నిందితుల్లో ఒకరైన రామచంద్ర భారతి వారం రోజులుగా వినియోగిస్తున్నట్లు సమాచారం. హైదరాబాద్‌‌లో పూజలు, ఇతర కార్యక్రమాలకు కారును తీసుకెళ్తుండేవాడని తెలిసింది.