చరిత్రలో కలిసిపోయిన టి.ఆర్.ఎస్… ఉనికి కోసం బి.ఆర్.ఎస్. ఆరాటం!

ఉభయ కమ్యూనిస్ట్ పార్టీలు, ఎన్సీపీతో సహా మిగిలిన `జాతీయ పార్టీలు’గా పేర్కొంటున్న పార్టీల హోదా ప్రశ్నార్ధకంగా ఉంది. అటువంటి

టిడిపితో సహా అనేక పార్టీలు తమను జాతీయ పార్టీలుగా ప్రకటించుకున్నాయి. అయితే వారెవ్వరు తమ రాష్ట్రాల సరిహద్దులు దాటి ప్రభావం చూపలేక పోతున్నారు.  ఎన్నికల కమిషన్ దగ్గర నమోదు చేసుకొన్నంత మాత్రాన ప్రతి పార్టీ జాతీయ పార్టీ అయిపోదు కదా! ఎన్నికల కమీషన్ వద్ద కొన్ని వందల పార్టీలు నమోదు చేసుకొని ఉన్నాయి. అయితే వారెవరికి ఎటువంటి గుర్తింపు లేకపోవడం గమనార్హం.

ఎన్నికల కమిషన్ వద్ద జాతీయ పార్టీగా నమోదు చేసుకోవడం తొలి అడుగు మాత్రమే. టిడిపి వంటి పార్టీలు తమను జాతీయ పార్టీలుగా ప్రకటించుకున్న పేర్లు మార్చుకొనక పోవడంతో ఇబ్బందులేవీ ఎదురు కాలేదు. అయితే కేసీఆర్ తన పార్టీ పేరునే మార్చుకోవడంతో రాజకీయంగా ఇబ్బందులు అనివార్యం కాగలవు.

తెలంగాణ దాటి ఒక్క సీట్ కూడా గెల్చుకొనే పరిస్థితులు కనిపించడం లేదు. దానితో పేరు మార్చినా, ఆచరణలో ఓ ప్రాంతీయ పార్టీగానే మనుగడ సాగింప వలసి ఉంటుంది. బిఆర్ఎస్ ఏర్పాటు గురించి జాతీయ మీడియా కూడా పట్టించుకొనక పోవడం గమనిస్తే దేశంలో ఎవ్వరు కేసీఆర్ జాతీయ పార్టీ ఏర్పాటు చేయడాన్ని అసలు పరిగణలోకి తీసుకుకోవడం లేదని స్పష్టం అవుతుంది.

పైగా, తెలంగాణ మోడల్ అజెండాగా జాతీయ రాజకీయాలలో ప్రవేశిస్తున్నట్లు కేసీఆర్ ప్రకటించారు.  గడచిన ఎనిమిదేళ్ళుగా కేసీఆర్ సుపరిపాలన అందించి ఉంటె ఇతర రహస్త్ర ప్రజలకు ఆసక్తి కలిగి ఉండెడిది. కానీ సంపన్న రాష్ట్రాన్ని అప్పులమయం కావించి, ఉద్యోగుల జీతాలు  సక్రమంగా చెల్లించడానికి కూడా ఇబ్బంది పడుతున్నారు. పైగా,  అవినీతి, అప్రజాస్వామిక పాలనతో అపఖ్యాతి పాలవుతున్నారు.

టి.ఆర్.ఎస్.కు తెలంగాణాలోనే నూకలు చెల్లుతున్నాయని సర్వత్రా భావిస్తున్న సమయంలో జాతీయ రాజకీయాలనడం కేవలం తన పాలనా వైఫల్యాల నుండి ప్రజల దృష్టి మళ్లించే ఎత్తుగడగానే భావించ వలసి ఉంటుంది.    సమాఖ్య వ్యవస్థను గురించి మాట్లాడే కేసీఆర్ పార్లమెంట్ చేసిన ఆంధ్రప్రదేశ్ పునర్వ్యవస్థీకరణ చట్టం -2014 ప్రకారం తెలంగాణ రాష్ట్రాన్ని సాధించుకొని, అధికారాన్ని చేజిక్కించుకొన్న తర్వాత ఆ చట్టంలో పేర్కొన్న అంశాలు అమలుకు మాత్రం ససేమిా అంగీకరించడం లేదు.

నదీ జలాల వినియోగ అంశం, పోలవరం ప్రాజెక్టు నిర్మాణం, అనుమతులు లేకుండానే పాలమూరు – రంగారెడ్డి ఎత్తిపోతల పథకం నిర్మాణం, అక్రమంగా జల విద్యుదుత్పాదన, కేంద్ర ప్రభుత్వం ఆదేశాలిచ్చినా విద్యుత్ బాకాయిలు చెల్లించక పోవడం, షెడ్యూల్ IX,  X జాబితాలోని ఉమ్మడి ఆస్తుల పంపకం, తదితర అంశాల్లో అంధ్రప్రదేశ్ వ్యతిరేక వైఖరి ప్రదర్శిస్తున్న కేసీఆర్ ను ఇతర రాష్ట్రాల  ప్రజలు ఏ విధంగా నమ్ముతారా?