కెనడాలో హిందూ దేవాలయంపై దాడి పట్ల ఆగ్రవేశాలు

విద్వేషాన్ని వ్యాపింపజేయడం కోసమే ఇటువంటి దురాగతానికి పాల్పడ్డారని ఆయన ఆరోపించారు. ఈ సంఘటనను భారత హై కమీషన్

కెనడా ప్రభుత్వ అధికారుల దృష్టికి తీసుకెళ్లింది, దోషులపై తగిన చర్యలు తీసుకోవాలని కోరింది. ఈ మందిరాన్ని అపవిత్రం చేయడాన్ని ఖండిస్తున్నట్లు ఓ ట్వీట్‌లో తెలిపింది. దోషులపై తగిన చర్య తీసుకోవాలని కెనడా ప్రభుత్వాధికారులను కోరినట్లు తెలిపింది.

ఇదిలావుండగా, సామాజిక మాధ్యమాల్లో వైరల్ అవుతున్న ఓ వీడియోలో ఈ దేవాలయం గోడలపై రాసిన భారత వ్యతిరేక, ఖలిస్థాన్ అనుకూల నినాదాలు కనిపిస్తున్నాయి.

దీనిపై బ్రంప్టన్ సౌత్ ఎంపీ సోనియా సిద్ధూ తీవ్ర దిగ్భ్రాంతి వ్యక్తం చేశారు.  ‘‘మనం బహుళ సంస్కృతుల, బహుళ మతాల సమాజంలో జీవిస్తున్నాం. సురక్షితంగా ఉన్నామనే భావన కలిగి ఉండటానికి ప్రతి ఒక్కరూ అర్హులే. బాధ్యులైన వారిని గుర్తించి, వారి చర్యలకు పర్యవసానాలను ఎదుర్కొనేలా చేయాలి’’ అని స్పష్టం చేశారు.

ఈ నేపథ్యంలో మంజిందర్ సింగ్ సిర్సాఓ వార్తా సంస్థతో  మాట్లాడుతూ,  పాకిస్థాన్ ఈ పనులను నిరంతరం కొనసాగిస్తోందని ఆగ్రహం వ్యక్తం చేశారు. ఇటువంటి విషయాల్లో అమెరికా కఠినంగా వ్యవహరిస్తోందని, అయితే  కెనడా మాత్రం కఠినంగా వ్యవహరించడం లేదని విచారం వ్యక్తం చేశారు. ఈ సంఘటనపై కఠిన చర్యలు తీసుకోవాలని కెనడా ప్రభుత్వాన్ని కోరుతున్నానని తెలిపారు.