జాతీయ కూటమిపై కేసీఆర్ కు నితీష్ బిగ్ షాక్

కేంద్రంలో రొటీన్ ప్రభుత్వాలు వద్దని దేశాన్ని మార్చే ప్రభుత్వం రావాలని కేసీఆర్ చెప్పారు. రోటీన్ ప్రభుత్వాలు అంటే కాంగ్రెస్ (యూపీఏ), బీజేపీ (ఎన్డీయే) అని అర్థం వచ్చేలా వ్యాఖ్యలు చేశారు. ఆ సందర్భంలోనే  ప్రతిపక్షాలన్నింటినీ ఏకతాటిపైకి తెచ్చేందుకు కృషి చేస్తామని తెలిపారు. 

2024లో విపక్షాల తరపున ప్రధానమంత్రి అభ్యర్థిగా నితిశ్ కుమార్ పేరుపై అభిప్రాయాన్ని చెప్పాలని కేసీఆర్‌ను మీడియా ప్రతినిధులు అడిగ్గా  దీనిపై స్పందించిన కేసీఆర్.. ‘ఇది చెప్పడానికి నేను ఎవరు? నేను సమాధానం ఇస్తే ఇతర పక్షాలు అభ్యంతరం చెప్పొచ్చు. మీరెందుకు ఇంత హడావుడి చేస్తున్నారు?” అని బదులు ఇచ్చారు.

తాజాగా ఇప్పుడు నితీశ్ చేసిన కామెంట్స్కే సీఆర్ కు షాక్ ఇచ్చేలా ఉన్నాయి. ఇప్పటికే టిఆర్ఎస్, కాంగ్రెస్ తోడుదొంగలని, వచ్చే ఎన్నికలలో రెండూ కలసి పోటీ చేస్తాయని, బిజెపి మాత్రమే తెలంగాణాలో అసలైన ప్రతిపక్షమని ఆ పార్టీ  తెలంగాణ నాయకులు ఇప్పటికే విమర్శలు చేస్తున్నారు.

 తాజాగా నితీష్ కుమార్ చేసిన వాఖ్యలో తెలంగాణ బిజేపికి ఓ బలమైన రాజకీయ ఆయుధం సమకూర్చిన్నట్లయింది. ఇప్పటికే బీహార్ లో కాంగ్రెస్ తో కూడిన కూటమికి నేతృత్వం వహిస్తున్న నితీష్ జాతీయ స్థాయిలో ఆ పార్టీకి వ్యతిరేకంగా వెళ్ళలేరు. కాంగ్రెస్ తో జత కడితే తెలంగాణాలో కేసీఆర్ కు రాజకీయంగా ఆత్మహత్యా సదృశ్యం కాగలదు.