ఫోరిడాలో అమెరికా మాజీ అధ్యక్షుడు డొనాల్డ్ ట్రంప్ కు చెందిన మార్-ఎ-లాగో ఎస్టేట్ పై రెయిడ్ చేశారు. తన ఎస్టేట్ పై ఎఫ్బీఐ అధికారులు దాడులు చేశారని ట్రంప్ తెలిపారు. తన ఎస్టేట్ ను ఎఫ్బీఐ ఆక్రమించుకుందని మండిపడ్డారు. ఎఫ్బీఐ చర్య చాలా దారుణమని విమర్శించారు.
తన అందమైన నివాసాన్ని పెద్ద సంఖ్యలో వచ్చిన ఎఫ్బీఐ ఏజెంట్లు ఆక్రమించుకున్నారని దుయ్యబట్టారు. మన దేశానికి ఇవి చీకటి రోజులని చెప్పారు. తన ట్రూత్ సోషల్ నెట్ వర్క్ ద్వారా ఆయన ఈ విషయాన్ని వెల్లడించారు.
ఎఫ్బీఐ చర్య ముమ్మాటికీ ప్రాసిక్యూటోరియల్ దుష్ప్రవర్తన, న్యాయ వ్యవస్థ ఆయుధీకరణ అని విమర్శించారు. 2024లో అధ్యక్ష పదవికి తాను పోటీ చేయకూడదని కోరుకునే రాడికల్ లెఫ్ట్ డెమోక్రాట్ల దాడి అని చెప్పారు. ఇంట్లో తన సేఫ్ ని కూడా పగలగొట్టారని ఆరోపించారు.
మరోవైపు సంబంధిత అధికారులు మాట్లాడుతూ ట్రంప్ ఎస్టేట్ లోకి ప్రవేశించేందుకు ఎఫ్బీఐ సెర్చ్ వారంట్ జారీ చేసిందని చెప్పారు. ఫ్లోరిడా ఎస్టేట్కు సంబంధించిన రికార్డులను ట్రంప్ తొలగించడంపై జస్టిస్ డిపార్ట్మెంట్ దర్యాప్తు ప్రారంభించింది. ట్రంప్ కు చెందిన ఫ్లోరిడా ఇంటి నుంచి 15 బాక్స్ల వైట్ హౌస్ పత్రాలను స్వాధీనం చేసుకున్నట్లు అధికారులు వెల్లడించారు.
2021 జనవరి నెలలో వైట్ హౌస్ నుంచి ట్రంప్ బయటకు వచ్చినప్పటి నుంచి పామ్ బీచ్లోని తన క్లబ్ను ఇంటిగా మార్చుకున్నారు.
More Stories
ఉక్రెయిన్లో నాలుగు పవర్ ప్లాంట్లు ధ్వంసం
సియాచిన్ గ్లేసియర్ వద్ద చైనా సరికొత్త రాదారి
లండన్ భారత హైకమిషన్పై దాడి నిందితుడి అరెస్ట్