చైనా యుద్ధ విమానాలు వస్తే సరిహద్దుల్లో గట్టిగా బదులిస్తాం

అగ్నిపథ్‌కు దరఖాస్తుల వెల్లువ

కాగా, రక్షణ దళాల్లో నియామకాల కోసం కేంద్ర ప్రభుత్వం ప్రకటించిన అగ్నిపథ్ పథకం గురించి ఎయిర్ చీఫ్ మార్షల్ చౌదరి మాట్లాడుతూ, అగ్నిపథ్ పథకంలో చేరేందుకు 7.5 లక్షల దరఖాస్తులు వచ్చాయని తెలిపారు. రక్షణ దళాల్లో చేరడానికి యువత ఎంత ఉత్సాహంగా ఉన్నారో దీనినిబట్టి అర్థమవుతోందని పేర్కొన్నారు.

ఎంపికైనవారికి డిసెంబరు నుంచి శిక్షణను ప్రారంభించవలసి ఉందని చెప్పారు.  ఇదంతా సకాలంలో జరగడానికి వీలుగా ఎంపిక ప్రక్రియను పూర్తి చేయడం పెద్ద సవాల్ అని తెలిపారు.  ఈ ఏడాది వాయు సేన దినోత్సవ కవాతును చండీగఢ్‌లో నిర్వహిస్తున్నట్లు తెలిపారు.

ప్రధాన కార్యక్రమాలను ఢిల్లీకి బయట వేరొక ప్రాంతంలో నిర్వహించాలనేది ప్రధాన మంత్రి నరేంద్ర మోదీ కల అని చెప్పారు. ఐఏఎఫ్ సామర్థ్యాలను దేశ యువతకు చూపించాలనేది తమ ఆలోచన అని తెలిపారు. అందుకే ఈ విన్యాసాలను ఒక్కొక్క సంవత్సరం ఒక్కొక్క చోట నిర్వహిస్తున్నామని వివరించారు.

చండీగఢ్‌లో జరిగే విన్యాసాల్లో రఫేల్, ఎస్‌యూ-30, మిరేజ్ 2000 వంటి యుద్ధ విమానాలు పాల్గొంటాయి. సుప్రసిద్ధ సుఖ్నా సరస్సుపైన ఈ విన్యాసాలు జరుగుతాయి. చండీగఢ్‌తోపాటు దాని పరిసరాల్లోని పట్టణాల ప్రజలు కూడా వీటిని వీక్షిస్తారని అంచనా.