అనుచరుల విషప్రయోగంతో మావోయిస్టు సందీప్ మృతి!

సందీప్ దాదాపు 3 దశాబ్దాలుగా బీహార్ జార్ఖండ్‌తో సహా వివిధ రాష్ట్రాల్లో అనేక విధ్వంస చర్యలకు పాల్పడ్డాడు. ఇతనిపై కేవలం బీహార్‌లోనే 100కు పైగా కేసులు నమోదయినట్లు పోలీస్ అధికారులు తెలిపారు. సందీప్ చిన్న వయసులోనే మావోయిస్టు పార్టీ సిద్ధాంతాలకు, వారి కార్యకలాపాలకు ఆకర్షితుడై నక్సలైట్‌ పార్టీలో చేరాడు.

పార్టీలో సందీప్ అంచలంచెలుగా తన క్యాడర్‌ పెంచుకుంటు పోయాడు. అతని దాడిలో పలువురు పోలీసులు ప్రాణాలు కోల్పోయారు. అదే సమయంలో అతను చేసిన మందుపాతర పేలుళ్ల దాడిలో అనేక మంది పోలీసులు గాయపడ్డారు. 2018లో దేశంలోనే తొలిసారిగా ఒక నక్సలైట్ నాయకుడైన సందీప్ పై ఈడీ చర్యలు తీసుకుంది.

సందీప్ కు చెందిన సుమారు రూ.86 లక్షల రూపాయల విలువైన స్థిర, చరాస్తులను ఎన్‌ఫోర్స్‌మెంట్‌ డైరెక్టరేట్‌ బృందం అదే సమయంలో జప్తు చేసింది. సందీప్ కి చెందిన ఫ్లాట్ల విలువ రూ.50 లక్షలుగా ఎన్‌ఫోర్స్‌మెంట్ డైరెక్టరేట్ అంచనా వేసింది.