పంజాబ్ ముఖ్యమంత్రి బుధవారం ఏం చెప్పారో యావత్తు దేశం విన్నదని చెప్పారు. ఢిల్లీ కుటుంబం, చన్నీ యజమాని (ప్రియాంక గాంధీ) చప్పట్లు కొట్టారని గుర్తుచేశారు. ఇలాంటి మాటలు మాట్లాడుతూ ఎవరిని అవమానిస్తున్నారని ప్రధాని  ప్రశ్నించారు. ఉత్తర ప్రదేశ్, బిహార్ నుంచి వచ్చిన ప్రజలు చెమటోడ్చి పని చేయని గ్రామం పంజాబ్‌లో ఏదీ లేదని స్పష్టం చేశారు.  సంత్ రవిదాస్ జయంతిని బుధవారం జరుపుకున్నామని, ఆయన ఎక్కడ జన్మించారో చెప్పాలని కాంగ్రెస్ నేతలను అడుగుతున్నానని ఎద్దేవా చేశారు.

‘‘గురు గోవింద్ సింగ్ ఎక్కడ జన్మించారని అడుగుతున్నాను. ఆయన పాట్నాలో జన్మించారు. కాబట్టి ఆయనను మీరు అగౌరవపరుస్తారా? అని ప్రశ్నించారు. గురు గోవింద్ సింగ్ జన్మించిన గడ్డను మీరు అవమానిస్తున్నారు’’ అని మోదీ అన్నారు. అలాంటి కాంగ్రెస్ పార్టీని కనీసం ఒక క్షణమైనా పంజాబ్‌ను పరిపాలించనివ్వకూడదని ప్రధాని స్పష్టం చేశారు.