ఉద్యోగులకు, పెన్షనర్లకు ఒక చీకటి రోజు

ఈ  మూడు జీవో లు ఉద్యోగులకు, పెన్షనర్లకు  ఒక చీకటి రోజు అని ఎపి జెఎసి అమరావతి అధ్యక్షుడు బొప్పరాజు వెంకటేశ్వర్లు విమర్శించారు. గతంలో ఏ ప్రభుత్వాలూ ఈ విధంగా చేయలేదని ఆగ్రహం వ్యక్తం చేశారు.  ప్రభుత్వానికి ఉద్యోగుల మీద ప్రేమ లేదని కనిపిస్తుందని, ప్రభుత్వం తమకు కోత పెట్టి డబ్బులు మిగుల్చుకుంటుందని ఎద్దేవా చేశారు.

జిఒ లు రద్దు చేసే వరకూ ఉద్యమం కొనసాగుతుందని స్పష్టం చేశారు. ఎల్లుండి రెండు జెఎసి ల తరపున ఉద్యమ కార్యాచరణ రూపొందిస్తామని పేర్కొన్నారు. ప్రజలకు కలిగే అసౌకర్యానికి ప్రభుత్వానిదే బాధ్యత అని ఆరోపించారు. పీఆర్సీ వల్ల తమకు లాభం కాకుండా నష్టం జరుగుతుందని ఆవేదన చెందారు.