భారత కమ్యూనిస్ట్ పార్టీలో చీలికలు చైనాతో అనుసరింప వలసిన విధానం గురించే కావడం తెలిసిందే. చివరకు సిపిఎం ఏర్పడింది కూడా 1962లో భారత్ పై దురాక్రమణకు పాల్పడి, మన భూభాగాలను ఆక్రమించుకున్న చైనాకు మద్దతు ఇచ్చే విషయంలో భారత కమ్యూనిస్ట్ లలో ఏర్పడిన గందరగోళ పరిస్థితి నుండే కావడం గమనార్హం.
ప్రస్తుతం తన రాజకీయ ఉనికి ప్రశ్నార్ధకరంగా మారుతున్నా చైనా విధానాలు చైనా చుట్టే తిరుగుతున్నట్లు కనిపిస్తున్నది. చైనా పట్ల అనుసరింప వలసిన వైఖరి పట్ల ఆ పార్టీ అగ్రనేతలలోనే భిన్నాభిప్రాయాలు వ్యక్తం కావడం గమనార్హం. కేరళలోని పార్టీ పొలిట్‌బ్యూరో సభ్యులైన సిపిఎం అగ్రనేతలు పినరయి విజయన్, ఎస్ రామచంద్రన్ పిళ్లై చైనాపై విరుద్ధమైన వైఖరిని తాజాగా వ్యక్తం చేయడం ఈ చర్చను మరోసారి ముందుకు తీసుకు వస్తున్నది.
ఆ పార్టీలో నెలకొన్న సైద్ధాంతిక అస్పష్టతను వెల్లడి చేసింది. మాజీ సామ్రాజ్యవాదంపై పోరాడే పొరుగు దేశం వైఖరిని విమర్శిస్తూ, అమెరికా సామ్రాజ్యవాదాన్ని ప్రశ్నించే శక్తిని సంపాదించినందుకు ప్రశంసల వర్షం కురిపించారు. కేరళలో ప్రస్తుతం జరుగుతున్నపార్టీ జిల్లా సదస్సుల్లో ఇరువురు నేతలు తమ అభిప్రాయాలను వెల్లడించారు.
శుక్రవారం తిరువనంతపురంలో పార్టీ సదస్సును ప్రారంభించిన కేరళ ముఖ్యమంత్రి విజయన్ మాట్లాడుతూ మారిన ప్రపంచ క్రమానికి అనుగుణంగా సోషలిస్టు దేశాలు జోక్యాలు చేస్తున్నాయని పేర్కొన్నారు. సోవియట్ యుగానికి భిన్నంగా, ఈ దేశాలు తమ పరిసరాలలో మార్పులను గ్రహించిన తర్వాత ఒక వైఖరిని అవలంబించాయని మెచ్చుకున్నారు.
అయితే, దేశం తన ప్రజలను పేదరికం నుండి బయటపడేసిందని చైనా ప్రకటించడాన్ని ఆయన ప్రశంసించినప్పటికీ, “అసమానతలు, అవినీతి సమస్యలతో తాము ఇబ్బంది పడుతున్నామని వారే స్వయంగా ప్రకటించారు” అని విజయన్ గుర్తు చేశారు.
2012లో కోజికోడ్‌లో జరిగిన పార్టీ కాంగ్రెస్‌లో ఆమోదించిన చైనాపై సిపిఎం సైద్ధాంతిక తీర్మానాన్ని గుర్తుచేస్తూ, “సోషలిస్టు దేశంగా చైనా సామ్రాజ్యవాద దేశాలపై సరైన వైఖరిని అవలంబించడానికి ఇష్టపడడం లేదని మేము విమర్శించాము. చైనాపై మా వైఖరి ఇప్పుడు కూడా అలాగే ఉంది” అని స్పష్టం చేశారు.
కాగా, అమెరికా సామ్రాజ్యవాదాన్ని ప్రశ్నించే స్థాయికి చైనా ఎదిగిందని పిళ్లై
కొట్టాయంలో గురువారం జరిగిన పార్టీ జిల్లా సదస్సులో చెప్పి“చైనాపై దాడి చేయడానికి అమెరికా అనేక పొత్తులు చేసుకుంది. భారతదేశం కూడా అలాంటి పొత్తులలో భాగం. చైనాకు వ్యతిరేకంగా ఎన్ని కూటములు ఉన్నాయి? భారతదేశం, జపాన్, అమెరికా, ఆస్ట్రేలియా. కానీ చైనా 180 దేశాలతో సంబంధాలు పెట్టుకుంది. 116 దేశాలకు కరోనా వ్యాక్సిన్‌లను ఉచితంగా సరఫరా చేసింది”, అని ఆయన భారత్ వైఖరిని తప్పుబట్టారు.
భారతదేశంలో చైనా వ్యతిరేక ప్రచారానికి సిపిఎం లక్ష్యంగా మారినదని పిళ్లై విమర్శించారు. “ఆ దేశం మరింత బలం పుంజుకున్నందున చైనా సంఘటిత దాడిని ఎదుర్కొంటోంది. భారతదేశంలో, చైనాపై దాడి చేయడం వెనుక ఉన్న ఏకైక ఉద్దేశ్యం మన పార్టీని లక్ష్యంగా చేసుకోవడం. దానికి వ్యతిరేకంగా సెంటిమెంట్‌లను పెంచడం” అని స్పష్టం చేశారు.
ప్రత్యర్థుల ఈ చేతన ప్రయత్నాన్ని మనం ఎదుర్కోవలసి ఉంటుందని చెబుతూ గతంలో కూడా తాము దీనిని ఎదుర్కొన్నామని, ఈ ఆధునిక యుగంలో కూడా మనం అలాంటి ప్రయత్నాలను ఎదుర్కోవలసి ఉంటుందని ఆయన చెప్పారు.
చైనా అభివృద్ధి సోషలిజం లాభమని పిళ్లై తెలిపారు. “ఇటీవల, 100 సంవత్సరాల కమ్యూనిస్ట్ పార్టీని గమనిస్తూ, చైనాను మితవాద సంపన్న దేశంగా ప్రకటించారు. గత ఏడాది ఫిబ్రవరిలో చైనా పేదరికాన్ని నిర్మూలించిందని ప్రకటించింది. ఇప్పుడు, ప్రపంచ పేదరికంపై పోరాటంలో చైనా సహకారం 70 శాతంగా ఉంది. అయితే ప్రపంచంలోని పేద ప్రజలలో భారతదేశంలో 60 శాతంగాగా ఉన్నారు” అని ఆయన పేర్కొన్నారు.
బీజేపీ రాష్ట్ర అధ్యక్షుడు కె.సురేంద్రన్‌ మాట్లాడుతూ సిపిఎం చైనాకు గూఢచారి పని చేస్తోందని ఆరోపించారు. “ఇది ఆ పార్టీ దేశ వ్యతిరేక వైఖరికి కొనసాగింపు మాత్రమే. సిపిఎం అన్ని దేశ వ్యతిరేక కార్యకలాపాలకు మద్దతు ఇచ్చే పార్టీగా అవతరించింది” అని తీవ్రంగా విమర్శలు గుప్పించారు.
More Stories
శుక్రవారం రెండో విడత పోలింగ్ కు రంగం సిద్ధం
ఎన్నికల ప్రసంగం మధ్యలోనే స్పృహ తప్పిన గడ్కరీ
ఢిల్లీ లిక్కర్ కేసులో క్విడ్ ప్రోకో