వామపక్షాలతో పొత్తుకు కేసీఆర్ ఆరాటం!

రాజకీయంగా తీవ్ర ప్రజా వ్యతిరేకతను ఎదుర్కొంటున్న సమయంలో

సిపిఎం నేతలకైతే ముఖ్యమంత్రి విందు ఇచ్చారు. సిపిఎం ప్రధాన కార్యదర్శి సీతారాం ఏచూరి, కేరళ ముఖ్యమంత్రి పినరయి విజయన్‌, త్రిపుర మాజీ సీఎం మాణిక్‌ సర్కార్‌ తదితరులతో మంతనాలు జరిపారు. కేంద్రంలో నరేంద్ర మోదీ ప్రభుత్వాన్ని ఏ విధంగా ఎదుర్కోవాలి అనే అంశంపైననే వారి సమ్లోలోచనలు జరిగిన్నట్లు కనిపిస్తున్నది.

అయితే ఈ భేటీకి రాష్ట్ర సిపిఎం నాయకులు ఎవ్వరు హాజరు కాకపోవడం గమనార్హం. కేసీఆర్ తో కలిసిన్నట్లు సంకేతం వెడితే ప్రజలలో ప్రతికూల స్పందనలు ఎదురు కాగలవని ఆ పార్టీ రాష్ట్ర నాయకులు భయపడుతున్నారా?  ఏచూరి కాంగ్రెస్ అధినేత్రి సోనియా గాంధీకి సహితం సన్నిహితుడు కావడం గమనార్హం.  బిజెపికి వ్యతిరేకంగా కాంగ్రెస్ తో నేరుగా చేతులు కలపలేక కేసీఆర్ ఏచూరిను ఎంచుకున్నారా?

మరోవంక,  సిపిఐ ప్రధాన కార్యదర్శి డి.రాజా, ఆ పార్టీ పార్లమెంటరీ పార్టీ నేత బినయ్ విశ్వం, రాష్ట్ర కార్యదర్శి చాడ వెంకటరెడ్డి తదితరులు కూడా కేసీఆర్‌తో ఆ తర్వాత విడిగా సమావేశమయ్యారు.

ప్రస్తుతం రెండు కమ్యూనిస్ట్ పార్టీలు రెండు తెలుగు రాష్ట్రాలలో తమ రాజకీయ ఉనికి కోసం ఆరాట పడుతున్నాయి. రెండు రాష్ట్రాల శాసనసభలలో వారికి ప్రాతినిధ్యం లేవు. జాతీయ స్థాయిలో సహితం సిపిఐ ఉనికి ప్రశ్నార్ధకరమే. సిపిఎం సహితం కేరళకు పరిమితమయింది. అటువంటి పార్టీలతో చేతులు కలపడం ద్వారా కేసీఆర్ రాజకీయంగా సాధించే ప్రయోజనం సందేహాస్పదమే.

పైగా, జాతీయ స్థాయిలో బిజెపికి వ్యతిరేకంగా ఏర్పడే కూటమిలో కాంగ్రెస్ కీలక పాత్ర పోషించాలని ఉభయ కమ్యూనిస్ట్ పార్టీలు స్పష్టం చేస్తున్నాయి. కేసీఆర్ పశ్చిమ బెంగాల్ ముఖ్యమంత్రి మమతా బనెర్జీ చెబుతున్న ఫెడరల్ ఫ్రంట్ గురించి గతంలో ప్రయత్నాలు చేశారు. అందులో కాంగ్రెస్ కు స్థానం లేదని ఆమె స్పష్టమైన సంకేతం ఇస్తున్నారు.