అవినీతి పరిమళం చల్లింది… ప్రధాని ఎద్దేవా

అత్యంత ప్రతిష్ఠాత్మకమైన ఈ సంస్థలో వెచ్చించిన సమయం విద్యార్థుల్లో పెను మార్పులను తీసుకొచ్చిందన్నారు. వారికి ఐఐటీ కాన్పూరు ఓ గొప్ప వేదికను అందుబాటులో ఉంచిందని చెప్పారు. విద్యార్థులు సవాళ్ళను ఎంచుకోవాలని, నిమ్మళం (కంఫర్ట్)గా ఉండే పరిస్థితులను కాదని తెలిపారు. 

ఇప్పుడు తెలియనివాటి గురించి భయమే లేదన్నారు. యావత్తు ప్రపంచాన్ని అర్థం చేసుకోగలిగే సత్తా విద్యార్థులకు ఉందని చెప్పారు. ఫలానా విషయం తెలియదనే ప్రశ్నే ఇక లేదని, అత్యుత్తమమైనదాని కోసం అన్వేషించవచ్చునని, యావత్తు ప్రపంచాన్ని జయించాలని కలలుగనవచ్చునని తెలిపారు. 

విద్యార్థులు పొందిన శిక్షణ, సంపాదించిన నైపుణ్యం, విజ్ఞానం కచ్చితంగా ఈ ప్రపంచంలో తమదైన ముద్ర వేసుకోవడానికి దోహదపడతాయని తెలిపారు. సాంకేతిక పరిజ్ఞానంపై పట్టు సాధించి, విజేతలుగా నిలవాలని చెప్తూ, రోబోలుగా మారిపోవద్దని ప్రధాని మోదీ  హెచ్చరించారు. అంశాలపై ఇంటర్నెట్‌లో పని చేయాలని, అయితే ఆయా అంశాల భావోద్వేగాలను మర్చిపోకూడదని తెలిపారు. 

మన దేశానికి స్వాతంత్య్రం వచ్చి 25 ఏళ్ళు పూర్తయ్యేనాటికి మనం మన కాళ్ళపై నిలబడటానికి ఎంతో చేసి ఉండవలసిందని పేర్కొన్నారు. అప్పటి నుంచి చాలా ఆలస్యం జరిగిందని, మన దేశం చాలా సమయాన్ని కోల్పోయిందని విచారం వ్యక్తం చేశారు. ఇప్పటి వరకు రెండు తరాలు గడిచిపోయాయని, ఇక కనీసం రెండు క్షణాలనైనా మనం కోల్పోకూడదని స్పష్టం చేశారు. 

ప్రధాని మోదీ వెంట ఉత్తరప్రదేశ్ ముఖ్యమంత్రి యోగి ఆదిత్యనాథ్, గవర్నర్ ఆనందీబెన్ పటేల్,  కేంద్ర మంత్రి హర్దీప్ సింగ్ పురి తదితరులు ఉన్నారు. కాన్పూర్‌లోని మౌలిక సదుపాయాల ప్రాజెక్టుల ప్రారంభోత్సవ స్థలానికి వెళ్లిన ప్రధాని కాన్పూర్ మెట్రోలో కూడా ప్రయాణించారు.

ఐఐటీ-కాన్పూర్ నుంచి మోతీ జీల్ వరకూ సుమారు తొమ్మిది కిలోమీటర్ల పొడవైన రైల్ ప్రాజెక్టు ఇది. మొత్తం 32 కిలోమీటర్ల పొడవైన ఈ ప్రాజెక్టును 11,000 కోట్లతో పూర్తి చేస్తున్నట్టు పీఎంఓ కార్యాలయం ఒక ప్రకటనలో పేర్కొంది. మోదీ ప్రధానంగా దృష్టి సారిస్తున్న అంశాల్లో అర్బన్ మొబిలిటీ ఒకటని, ఆ దిశగా కాన్పూర్ రైల్ ప్రాజెక్ట్ మరో ముందడుగని తెలిపింది.