హెచ్1బి వీసాతో పాటు ఇతర వీసాలైన ఎల్-1, ఒ-1 అభ్యర్థులకు వ్యక్తిగత ఇంటర్వ్యూలను తాత్కాలికంగా నిలిపివేస్తున్నట్లు అమెరికా ప్రకటించింది. కరోనా కొత్త వేరియంట్ ఒమిక్రాన్పై ఆందోళనలు నెలకొన్న నేపథ్యంలో ఈ నిర్ణయం తీసుకున్నట్లు అమెరికా విదేశాంగ శాఖ ప్రకటించింది. తాజా నిర్ణయంతో.. వర్క్ వీసా కోసం దరఖాస్తు చేసుకున్నవారు కాన్సులేట్కు వెళ్లి భౌతికంగా ఇంటర్వ్యూ ఇవ్వాల్సిన అవసరం లేదు.
2022 సంవత్సరానికి గానూ.. హెచ్-1బి సహా పలు రకాల వీసాల కోసం దరఖాస్తు చేసుకునే అభ్యర్థులకు తాత్కాలికంగా వ్యక్తిగత ఇంటర్వ్యూలను రద్దు చేయాలని నిర్ణయించింది. ఈ మేరకు అమెరికా విదేశాంగ శాఖ కీలక ప్రకటన విడుదల చేసింది.
నాన్ ఇమ్మిగ్రేంట్ వర్క్ వీసా హెచ్-1బితో పాటు, హెచ్-3, హెచ్-4, అంతర్గత కంపెనీ బదిలీలు (ఎల్ వీసాలు), అసాధారణ సామర్థ్యం కలిగిన వ్యక్తులకుజారీ చేసే ఒ వీసాలు, అథ్లెటిక్స్, కళాకారులు, తదితర రంగాలకు చెందిన వారికి జారీ చేసే పి వీసాలు, అంతర్జాతీయ సాంస్కృతిక కార్యక్రమాలు (క్యూ వీసాలు) కోసం దరఖాస్తు చేసుకునే అభ్యర్థులకు వీసాలు జారీ చేసుందుకు దౌత్య కార్యాలయ అధికారులు ఆ అభ్యర్థులను వ్యక్తిగతంగా ఇంటర్వ్యూ చేయాల్సి వుంటుంది.
హెచ్-2 వీసా, ఎఫ్-ఎమ్ వీసా, ఎకాడమిక్ జే వీసాలపై ఇప్పటికే అమల్లో ఉన్న ఈ నిబంధనను.. 2022 డిసెంబర్ 31 వరకు పొడగిస్తూ కాన్సులర్ అధికారులకు విదేశాంగ మంత్రి ఆంటోని బ్లింకెన్ ఆదేశాలు జారీ చేశార. అయితే స్థానిక పరిస్థితులు, అవసరాల మేరకు కాన్సులేట్ అధికారులు ఇన్పర్సన్ ఇంటర్వ్యూలకు పిలిచే అవకాశముంది. అందువల్ల సంబంధిత వెబ్సైట్లను ఎప్పటికప్పుడు పరిశీలించాలని విదేశాంగశాఖ సూచించింది.
కరోనా మహమ్మారి ఫలితంగా డిపార్ట్మెంట్ వీసా ప్రాసెసింగ్ విధానం తగ్గింది. అంతర్జాతీయంగా ప్రయాణాలు పునరుద్ధరిస్తున్నందున జాతీయ భద్రతను కొనసాగిస్తూ వీసాల కోసం వేచి చూసే సమయాన్ని తగ్గించడానికి ఈ చర్యలు చేపడుతోంది. ఒక వేళ వ్యక్తిగత ఇంటర్వ్యూలు తప్పనిసరని భావిస్తే.. స్థానిక పరిస్థితులను అనుసరించి కాన్సులేట్ అధికారులకు పూర్తి భాద్యతలు అప్పగిస్తున్నట్లు తెలిపింది.
More Stories
ఉక్రెయిన్ పై రష్యా రసాయన ఆయుధాల ప్రయోగం!
విదేశీ విద్యార్థులకు కెనడా వారానికి 24 గంటలే వర్క్ పర్మిట్
ఆఫ్ఘన్ షియా మసీదులో కాల్పులు.. ఆరుగురు మృతి