‘శ్రీరామాయణయాత్ర’ టూరిస్ట్‌ రైలు ప్రారంభం

అనంతరం కిష్కింధ నగరం హంపి.. ఆ తర్వాత చివరగా రామేశ్వరం తీసుకెళ్తారు. ఆ తర్వాత రైలు 17వ రోజున ఢిల్లీకి తిరిగి చేరుతుంది. పర్యాటకులు దాదాపు 7500 కిలోమీటర్ల ప్రయాణం చేయాల్సి ఉంటుంది. దేశీయ పర్యాటక రంగాన్ని మరింత ప్రోత్సహించేందుకు భారత ప్రభుత్వం ‘దేఖో అప్పా దేశ్‌’ చొరవలో భాగంగా ఐఆర్‌సీటీసీ ప్రత్యేకంగా రామాయణ యాత్ర రైలును ప్రారంభించింది.

ఇందులో ఒక్కో వ్యక్తికి ప్యాకేజీలో భాగంగా సెకండ్‌ ఏసీకి రూ.82.950, ఫస్ట్‌ ఏసీకి రూ.1,02,095 ధర నిర్ణయించారు. రైలు మొత్తం ఏసీ సౌకర్యం కల్పించారు. స్టార్‌ హోటల్‌ స్థాయిలో వసతులు కల్పించగా.. శాఖాహార భోజనం అందించనున్నారు. పర్యాటకులకు బీమా సదుపాయం కూడా కల్పిస్తున్నారు.కరోనా మహమ్మారి నేపథ్యంలో వైరస్‌ వ్యాప్తి నివారణకు ప్రత్యేకంగా చర్యలు తీసుకుంటున్నారు.

18 సంవత్సరాలు, అంతకంటే ఎక్కువ వయస్సున్న పర్యాటకులందరికీ తప్పనిసరిగా రెండు డోసుల కరోనా  టీకాలు తీసుకుంటేనే అనుమతి ఇస్తున్నారు. ఫేస్ మాస్క్‌లు, హ్యాండ్ గ్లోవ్స్, శానిటైజర్‌ ఉన్న సేఫ్టీ కిట్లను పర్యాటకులందరికీ ఐఆర్‌సీటీసీ అందిస్తున్నది. సంబంధిత రైలు యాత్రల ప్యాకేజిలో భాగంగా ప్రత్యేక టూరిస్టు రైళ్లు, అన్ని సౌకర్యాల డీలక్స్ టూరిస్టు రైళ్లు నడుస్తాయి. మరో నాలుగు రైళ్లు వచ్చే నెలలో ఉంటాయని తెలిపారు.