ప్రజాభద్రతకంటే లాభార్జనకే ఫేస్బుక్ పెద్దపీట వేస్తోందని ఇటీవల తీవ్ర విమర్శలు వెల్లువెత్తిన నేపథ్యంలో తాజా పరిణామం చోటుచేసుకోవడం గమనార్హం. తకుముందు ఫేస్బుక్ కింద కొనసాగిన సామాజిక మాధ్యమాలు– ఫేస్బుక్, ఇన్స్టాగ్రామ్, వాట్సాప్లు ఇకపై ‘మెటా’ కింద కొనసాగుతాయి. అంటే మాతృసంస్థ పేరుమాత్రమే మారింది తప్ప, దానికింద ఉండే సామాజిక మాధ్యమాల సేవలు పాత పేర్లతో కొనసాగుతాయి.
‘మెటావర్స్’లో భాగంగా పేరు మార్పు నిర్ణయం తీసుకున్నట్లు జుకర్బర్గ్ తెలిపారు. వర్చువల్–రియాలిటీ స్పేస్లో రానున్న కాలంలో వినియోగదారులు ఎటువంటి అంతరాయం లేని అత్యున్నత స్థాయి సాంకేతిక సేవలను వినియోగం, తత్సబంధ అంశాలు ‘మెటావర్స్’ పరిధిలోకి వస్తాయి. ‘యాప్స్’ నుంచి మరింత సాంకేతిక పరిపక్వత కలిగిన ‘మెటావర్స్’దిశగా మెటా అడుగులు వేస్తుందని కూడా ఈ సందర్భంగా జుకర్బర్గ్ పేర్కొన్నారు.
‘‘ఒకరికి ఒకరిని కలిపి ఉంచడానికి సాంకేతికతను ఆవిష్కరించే కంపెనీ మనది. వెరసి మన సాంకేతికతలో ప్రజలను ఒక చోటు కేంద్రీకరించవచ్చు. తద్వారా అందరూ కలిసి ఆర్థిక వ్యవస్థ మరింత పురోగతికి దోహదపడవచ్చు’’ అని ఈ సందర్భంగా జుకర్బర్గ్ పేర్కొన్నారు. ‘‘ప్రస్తుత బ్రాండ్ ఇకపై మనకు కావాల్సిన సేవల అన్నింటినీ అందించలేకపోవచ్చు. ఈ పరిస్థితుల్లో మనం భవిష్యత్తుపై దృష్టి సారించాల్సిన అవసరం ఉంది. ఈ దిశలోనే మన సంస్థ బ్రాడ్ పేరు మారింది’’ అని కూడా ఆయన పేర్కొన్నారు.
More Stories
జులైలో వందే మెట్రో రైల్ ట్రయల్ రన్!
బాలీవుడ్ నటుడు సాహిల్ ఖాన్ అరెస్ట్
ఐటీ రంగంలో కొత్త నియామకాలపై నీలినీడలు