పాకిస్థాన్ వ్యవస్థాపకుడు మొహమ్మద్ అలీ జిన్నా విగ్రహాన్ని బలోచ్ లిబరేషన్ ఆర్మీ ధ్వంసం చేసింది. బలోచిస్తాన్ ప్రావిన్సులో ఉన్న కోస్టల్ నగరం గ్వదార్లో ఉన్న జిన్నా విగ్రహాన్ని బలోచి మిలిటెంట్లు బాంబు దాడితో పేల్చేశారు. జూన్ నెలలో మెరైన్ డ్రైవ్ వద్ద ఆ విగ్రహాన్ని ప్రతిష్టించారు.
విగ్రహం కింద పేలుడు పదార్ధాలను పెట్టి పేల్చినట్లు ఓ కథనం ద్వారా వెల్లడైంది. ఈ ఘటన సెప్టెంబర్ 26వ తేదీన జరిగింది. జిన్నా స్టాచ్యూ పూర్తిగా ధ్వంసమైంది. ఆ విగ్రహాన్ని తామే పేల్చినట్లు బలోచ్ రిపబ్లికన్ ఆర్మీ నేత బాబ్గర్ బలోచ్ తెలిపారు. అత్యంత భద్రత ఉండే జనరల్ ఆఫీసర్ కమాండింగ్ (జిఒసి), డిప్యూటీ ఇన్స్పెక్టర్ జనరల్ కార్యాలయం సమీపంలో గత జూన్ లో ఈ విగ్రహాన్ని ఏర్పాటు చేశారు.
” #గ్వాదర్లోని ఖైద్-ఇ-అజామ్ విగ్రహాన్ని కూల్చివేయడం పాకిస్తాన్ భావజాలంపై దాడి. జియారత్లోని క్వాయిడ్-ఇ-అజామ్ రెసిడెన్సీపై దాడి వెనుక ఉన్నవారిలాగే నేరస్థులను శిక్షించాలని నేను అధికారులను అభ్యర్థిస్తున్నాను” అని బలూచిస్తాన్ మాజీ హోం మంత్రి, ప్రస్తుత సెనేటర్ సర్ఫరాజ్ బుగ్తీ ట్వీట్ చేశారు.
ఈ ఘటన పట్ల ఉన్నత స్థాయి విచారణ చేపడుతున్నట్లు డిప్యూటీ కమిషనర్ అబ్దుల్ కబీర్ ఖాన్ తెలిపారు. ఆదివారామ్ ఉదయం 9.20 గంటల సమయంలో పర్యాటికుల రూపంలో వచ్చిన కొందరు దుండగులు విగ్రహాన్ని బాంబు పెట్టి పేల్చారని కబీర్ ఖాన్ చెప్పారు. ఇప్పటి వరకు ఎటువంటి అరెస్టు జరగలేదని తెలిపారు.
2013 లో, జియోరాత్లో జిన్నా ఉపయోగించిన 121 సంవత్సరాల పురాతన భవనాన్ని బలోచ్ మిలిటెంట్లు పేల్చివేసి, తుపాకీతో కాల్చి, నాలుగు గంటల పాటు మంటలు చెలరేటేటట్లు చేశారు. ఫర్నిచర్, జ్ఞాపకాలను ధ్వంసం చేశారు. జిన్నా క్షయ వ్యాధితో బాధపడుతున్నందున తన జీవితంలోని చివరి రోజులను అక్కడే గడిపారు.
తరువాత దీనిని జాతీయ స్మారక చిహ్నంగా ప్రకటించారు. డిసెంబర్ 25, 1876 న జన్మించిన జిన్నా, 1913 నుండి ఆగస్టు 14, 1947 న పాకిస్తాన్ ఏర్పడే వరకు అఖిల భారత ముస్లిం లీగ్ నాయకుడిగా పనిచేశారు. ఆ తర్వాత 1948 లో మరణించే వరకు పాకిస్తాన్ మొదటి గవర్నర్ జనరల్గా పనిచేశారు.
బలూచిస్థాన్ చాలా సంవత్సరాలుగా తక్కువ స్థాయి హింసను చూస్తోంది. బెలూచ్లు బెల్ట్ అండ్ రోడ్ ఇనిషియేటివ్ కింద చైనా నేతృత్వంలోని మౌలిక సదుపాయాల ప్రాజెక్టు అయిన చైనా-పాకిస్తాన్ ఎకనామిక్ కారిడార్ని కూడా వ్యతిరేకిస్తున్నారు.
More Stories
నిజ్జర్ హత్య కేసులో ముగ్గురు భారతీయుల అరెస్ట్
భారత్ కు బంగ్లాదేశ్ లో టి20 మహిళా క్రికెట్ సిరీస్
ఇజ్రాయిల్తో వాణిజ్యాన్ని నిలిపివేస్తున్న టర్కీ