మిజోరం గవర్నర్ గా బాధ్యలు చేపట్టిన హరిబాబు

కంభంపాటి స్వగ్రామం ఆంధ్రప్రదేశ్ లోని ప్రకాశం జిల్లా తిమ్మసముద్రం గ్రామం. 1953లో జూన్ 15న కంభంపాటి వెంకటేశ్వర్లు, సీతమ్మ దంపతులకు జన్మించారు. కంభంపాటి సతీమణి జయశ్రీ. వీరికి ఇద్దరు కుమార్తెలు, ఇద్దరు మనుమరాళ్లు ఉన్నారు. పాఠశాల విద్యను సొంత జిల్లాలోనే పూర్తి చేసిన ఆయన ఉన్నత విద్య కోసం విశాఖపట్టణంకు వెళ్లాల్సి వచ్చింది. బీటెక్ (ఎలక్రానిక్స్ అండ్ కమ్యునికేషన్ ఇంజనీరింగ్) పూర్తి చేసిన తర్వాత పీహెచ్ డీ కూడా చేశారు. విద్యార్థిగా ఉన్నప్పుడు జై ఆంధ్ర ఉద్యమంలో పాల్గొన్నారు. 

బీజేపీ తరపున ఏపీ రాష్ట్ర రాజకీయాల్లో చురుకుగా పనిచేసిన ఆయన 1999లో విశాఖపట్టణం అసెంబ్లీ నుంచి ఎమ్మెల్యేగా ఎన్నికయ్యారు. అటు తర్వాత 2014 ఎన్నికల్లో విశాఖపట్టణం నుంచి ఎంపీగా గెలిచారు. అప్పట్లో వైసీపీ గౌరవాధ్యక్షురాలుగా వైఎస్ విజయమ్మను ఓడించి సంచలనం సృష్టించారు.