యూడీఎఫ్, ఎల్‌డీఎఫ్ పాపాల చిట్టాలు విప్పిన ప్రధాని 

శుక్రవారం పదనాంతిట్ట వద్ద రిగిన ఎన్నికల ప్రచార సభలో మోదీ మాట్లాడుతూ, సంపద సృష్టి కోసం వారసత్వ పాలనను ప్రోత్సహించారని, ఓటు బ్యాంకు రాజకీయాలకు అగ్రపీఠం వేశారని, దీంతో సహజంగానే ప్రభుత్వం వెనుకబాట పట్టిందని, పాలనలో అచేతనత్వం ఆవరించిందని ధ్వజమెత్తారు. ఈ తరహా రాజకీయాలకు పాల్పడుతున్న కూటముల నుంచి కేరళకు విముక్తి కలిగించాల్సిన తరుణం ఆసన్నమైందని పిలుపిచ్చారు. వారసత్వ పాలన కోసం ఈ రెండు కూటములు అన్నింటినీ పక్కనపెట్టాయని విమర్శించారు.

ఎల్‌డీఎఫ్ అగ్రనేత కుమారుడి విషయం అందరికీ తెలిసిందేనని, ప్రత్యేకించి వివరించాల్సిన పని లేదని ఎద్దేవా చేశారు. తమను ఎవరూ ఓడించలేరనే అహంకారంతో ఉన్న ఆ రెండు కూటములు తమ మూలాలను విస్మరించాయని ఆరోపించారు. ‘డబ్బుపై అత్యాశ, సోలార్ కుంభకోణం, డాలర్ స్కామ్, భూ కుంభకోణం, గోల్డ్ స్కామ్, లంచం స్కామ్, ఎక్సైజ్ స్కామ్… ఇలా ఈ జాబితాకు అంతం లేదు. ప్రతి రంగాన్ని వీళ్లు కొల్లగొట్టారు’ అని మోదీ ఆరోపించారు.