ఏలూరులో పురుగు మందుల అవశేషాలు 

ఇవి బాధితుల శరీరాల్లోకి ఎలా చేరాయన్న అంశాన్ని ఒకటి రెండు రోజుల్లో తేల్చనున్నారు. ఏలూరు ఘటనపై కేంద్ర వైద్య, సాంకేతిక, పరిశోధనా సంస్థల నిపుణులతో ముఖ్యమంత్రి  జగన్మోహన్‌రెడ్డి శుక్రవారం సాయంత్రం ఆన్‌లైన్‌లో సమీక్షా సమావేశం నిర్వహించారు. ఈ సందర్భంగా వారు తమ పరిశీలన ఫలితాలను వివరించారు.

పశువులు, చేపల నుండి కూడా శాంపిళ్లను సేకరించి భోపాల్‌ పంపించినట్లు నిపుణులు తెలిపారు. అనంతరం సిఎం మాట్లాడుతూ ఆహార పదార్థాల్లో పురుగుమందుల వినియోగాన్ని తగ్గించాలని, రైతులకు సేంద్రీయ, సహజ వ్యవసాయ పద్ధతులపై అవగాహన కల్పించాలని అధికారులను ఆదేశించారు.

ఆర్‌బికెల ద్వారా అనుమతించిన పురుగుమందులనే వినియోగించాలని సూచించారు. వచ్చే నెలరోజులపాటు పురుగుమందుల తనిఖీ ప్రక్రియ నిర్వహించాలని ఆదేశించారు.ఇనిస్టిట్యూట్‌ ఆఫ్‌ ప్రివెంటివ్‌ మెడిసిన్‌ సంస్థ నిర్వహించిన పరీక్షల్లోనూ పురుగుమందులే ఎక్కువ మోతాదులో ఉన్నట్లు తేలిందని పేర్కొన్నారు.