భారత్ – పాక్ సరిహద్దుల్లో సరిహద్దుల్లో సరిహద్దు భద్రతా దళం (బీఎస్‌‌ఎఫ్) జవాన్లు భారీగా ఆయుధాలను స్వాధీనం చేసుకున్నారు. వీటిలో మూడు ఏకే-47 రైఫిల్స్, రెండు ఎమ్-16 రైఫిల్స్ ఉన్నాయి.
పంజాబ్ రాష్ట్రం, ఫిరోజ్‌‌‌పూర్ జిల్లాలోని జోగిందర్ చౌక్‌‌కు సమీపంలో వెపన్స్‌‌ను జవాన్లు స్వాధీనం చేసుకున్నారు. ఈ ప్రాంతం జీరో లైన్‌‌‌కు పక్కనే ఉందని తెలుస్తోంది.
మూడు ఏకే-47 రైఫిళ్లు, 6 మేగజీన్స్, 91 రౌండ్లు, నాలుగు మేగజీన్స్, 57 రౌండ్లు, రెండు చైనీస్ పిస్టళ్లు, మరో నాలుగు మేగజీన్స్, 20 రౌండ్లను భారత్ -పాక్ సరిహద్దులో స్వాధీనం చేసుకున్నామని ఒక బీఎస్‌‌ఎఫ్ అధికారి తెలిపారు.
‘ప్లాస్టిక్ బ్యాగులో ప్యాక్ చేసి ఉన్న ఆయుధాలను గుర్తించాం. ఆ ప్రాంతంలోని పలు చోట్ల నుంచి ఆయుధాలను స్వాధీనం చేసుకున్నాం. ఈ ఘటనకు సంబంధించి నమోదు చేసిన ఎఫ్‌‌‌ఐఆర్‌‌‌లో ఎవరి పేరునూ చేర్చలేదు. విచారణ కొనసాగుతోంది’ అని లఖో కే బెహ్రామ్ స్టేషన్ హౌజ్ ఆఫీసర్ బీర్బల్ సింగ్ తెలిపారు.
More Stories
పహల్గాం దాడికి ముందు 22 గంటలపాటు ఉగ్రవాదుల ట్రెక్కింగ్‌!
పహల్గాం ఉగ్రదాడి ఘటనపై ఎన్ఐఎ దర్యాప్తు
కైలాస మానససరోవర్‌ యాత్రకు వెబ్‌సైట్‌ ప్రారంభం