పశ్చిమబెంగాల్‌లో బీజేపీ మహిళా నేతపై కొందరు గుర్తు తెలియని వ్యక్తులు కాల్పులు జరిపారు. దక్షిణ 24 పరగణాల జిల్లాలో జరిగిందీ ఘటన. జిల్లాలోని బిష్ణుపూర్ ప్రాంత బీజేపీ మహిళా మోర్చా ఉపాధ్యక్షురాలైన రాధారాణి నస్కార్‌పై రఘుదేబ్‌పూర్‌లోని ఆమె ఇంటి సమీపంలోనే దుండగులు కాల్పులు జరిపారు.
తీవ్రంగా గాయపడిన ఆమెను వెంటనే కోల్‌కొతాలోని ఎస్ఎస్‌కేఎం ఆసుపత్రిలో చేర్చారు. కాల్పుల ఘటన వెనక తృణమూల్ కాంగ్రెస్ హస్తం ఉందని బీజేపీ ఎంపీ లాకెట్ చటర్జీ ఆరోపించారు. మహళ మోర్చా నోరు నొక్కేందుకే అధికార పార్టీ ఈ ఘాతుకానికి పాల్పడిందని తీవ్ర వ్యాఖ్యలు చేశారు.
బీజేపీ ఆరోపణలను తృణమూల్ కాంగ్రెస్ ఖండించింది. అది బీజేపీ అంతర్గత సమస్య అని పేర్కొంది. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.
About The Author
More Stories
బీజేపీలో చేరిన ముగ్గురు సమాజ్‌వాదీ ఎమ్యెల్యేలు!
ఏఐ రూపొందించిన ప్రశ్నలు, కంప్యూటర్ ఆధారిత పరీక్షలు!
మమతపై ఓ మహిళా కత్తితో దాడికి యత్నం?