‘సేవా సప్తాహ్’గా మోదీ పుట్టినరోజు వేడుకలు 

సేవా వారోత్సవాల్లో భాగంగా దేశవ్యాప్తంగా బీజేపీ కార్యకర్తలు వివిధ కార్యక్రమాలు చేపడతారు. ఏయే కార్యక్రమాలు నిర్వహించాలో తెలియజేస్తూ ఓ సర్క్యులర్‌ను రాష్ట్ర బీజేపీ శాఖలకు ఇప్పటికే పంపించారు. మోదీ 70వ జన్మ దినోత్సవం సందర్భంగా ఈ కార్యక్రమాల ఇతివృత్తం ‘డెబ్భై’. 

ఈ ఇతివృత్తంతో నిర్వహించవలసిన కార్యక్రమాల వివరాలను బీజేపీ కేంద్ర కార్యాలయం ఇన్‌ఛార్జి, ప్రధాన కార్యదర్శి అరుణ్ సింగ్ పార్టీ రాష్ట్ర శాఖలకు పంపించారు. ఈ కార్యక్రమాలను కోవిడ్-19 నిబంధనలకు లోబడి నిర్వహించాలి. 70 మంది కోవిడ్-19 రోగులకు ప్లాస్మా విరాళానికి ఏర్పాట్లు చేయాలి.  

ఈ సర్క్యులర్ ప్రకారం, దేశంలోని ప్రతి మండలంలోనూ 70 మంది దివ్యాంగులకు కత్రిమ అవయవాలు, ఇతర పరికరాలను పంపిణీ చేయాలి. 70 మంది అంధులకు కళ్ళజోళ్లు, 70 ఆసుపత్రుల్లో, పేదల కాలనీల్లో పండ్లు పంపిణీ చేయాలి.