త్వరలో 100 శాతం రైల్వేల విద్యుద్దీకరణ   

పునరుత్పత్తి ఇంధనం వల్ల పర్యావరణానికి మేలు జరుగుతుందిని, దేశం కూడా ఆర్థికంగా బలపడుతుందని పీయూష్ గోయెల్ విశ్వాసం వ్యక్తం చేశారు. 

ఇంధనం డిమాండ్ పెరిగి, ధరలు కూడా తగ్గుతాయని భరోసా వ్యక్తం చేశారు. తద్వారా ఉత్పత్తుల పెంపు జరిగి, ప్రజలు స్వయం సమృద్ధి చెందుతారని, ఇందుకు రాష్ట్రాల సహకారం కూడా అవసరమని చెప్పారు. 

రెనెవబుల్ ఎనర్జీని ప్రోత్సహించడం మేక్ ఇన్ ఇండియాలో భాగమని, ఇండస్ట్రీ ఆత్మనిర్భర్‌కు తాము కట్టుబడి ఉన్నామని స్పష్టం చేశారు. మనం స్వయం సమృద్ధి సాధిస్తే, దేశీయ ఉత్పత్తులు పెరిగి, నాణ్యతలోనూ ఎలాంటి రాజీ ఉండదని ఆయన చెప్పారు. 

అత్యున్నత నాణ్యత కలిగిన ఉత్పత్తులతో ప్రపంచ దేశాలతో వాణిజ్యాన్ని విస్తరించుకోవాలని భారత్ పట్టుదలగా ఉందని పీయూష్ గోయెల్ తెలిపారు.

ప్రస్తుతం భారత్ లో 40 వేల కిలో మీటర్ల (ఆర్‌‌కేఎం) పైచిలుకు విద్యుద్దీకరణ పూర్తయింది. దీన్ని మొత్తం బ్రాడ్–గేజ్ రూట్స్‌లో 63 శాతంగా చెప్పొచ్చు. 2020–2021 ఏడాదిలో 7 వేల ఆర్‌‌కేఎం విద్యుదీకరణ పూర్తి చేయాలని భారతీయ రైల్వేలు లక్ష్యంగా నిర్ధేశించుకున్నాయి.