మధ్యప్రదేశ్ మాజీ ముఖ్యమంత్రి కమల్‌నాథ్ మేనల్లుడు రతుల్ పురికి చెందిన ఆస్తుల్లో సీబీఐ దాడులు చేసింది. ఢిల్లీ, నోయిడాల్లో రతుల్ పురికి చెందిన పలు ప్రాంగణాల్లో ఈ దాడులు జరిపినట్లు తెలిసింది.
పంజాబ్ నేషనల్ బ్యాంక్ (పీఎన్‌బీ)తోపాటు ఇతర బ్యాంకుల కన్సార్టియమ్‌కు రూ. 787.25 కోట్లు ఎగ్గొట్టిన కేసులో రతుల్ పురిపై పలు అభియోగాలు ఉన్నాయి. ఈ నేపథ్యంలో 2012 నుంచి రతుల్ ఎగ్జిక్యూటివ్ డైరెక్టర్‌‌గా పని చేస్తున్న మోసర్ బేర్ కంపెనీపై పీఎన్‌బీ ఫిర్యాదును నమోదు చేసింది.
ఈ ఫిర్యాదులో మోసర్ బేర్‌‌లో పని చేసే మిగతా డైరెక్టర్స్, కొందరు గుర్తు తెలియని వ్యక్తులతోపాటు బ్యాంక్ అధికారుల పేర్లనూ సీబీఐ జత చేసింది. కరోనా వ్యాప్తి భయంతో సెర్చ్ టీమ్స్ ఆరోగ్యం విషయంలో పలు జాగ్రత్తలు తీసుకొని ఈ దాడులు నిర్వహించారు.
పీపీఐ కిట్స్ వేసుకొని తగిన జాగ్రత్తలు తీసుకుంటూ ఈ దాడులు నిర్వహించారని సీబీఐ ప్రతినిధి ఆర్‌‌కే గౌర్ తెలిపారు. కాగా, వివాదాస్పద అగస్టా వెస్ట్‌ల్యాండ్ స్కామ్‌లో కూడా రతుల్ పురి కీలక నిందితుడు కావడం గమనార్హం.
More Stories
నటి తమన్నా భాటియాకు సైబర్ క్రైమ్ పోలీసుల నోటిస్
ఢిల్లీ లిక్కర్ కేసులో క్విడ్ ప్రోకో
కోటక్ బ్యాంకుపై ఆర్‌బీఐ ఆంక్షలు