హెచ్‌1బీ వీసాల జారీపై అమెరికా నిషేధం  

అమెరికా అధ్యక్షుడు డోనాల్డ్ ట్రంప్ అనుకున్నంత పని చేశారు.  హెచ్‌1బీ వీసాల జారీపై అమెరికా ప్రభుత్వం నిషేధం విధించింది. ఇక నుండి ఈ వీసాల జారీ లాటరీ పద్దతిన కాకుండా ప్రతిభ ఆధారంగా ఉంటుందని ట్రంప్‌ యంత్రాంగం పేర్కొంది.

అమెరికాలోని స్థానికులకు ఉద్యోగఅవకాశాలు కల్పించేందుకు, నైపుణ్యం గల వారికి మాత్రమే దేశంలో చోటిచ్చేందుకు ఈ నిర్ణయం తీసుకున్నట్లు చెప్పారు. ఈ నిర్ణయం ఈనెల 24వ తేదీ నుండి అమల్లోకి వస్తుంది. ఈ నిర్ణయం అమలు చేసేందుకు గాను కొత్త హెచ్‌1బీ వీసాల జారీపై డిసెంబర్‌ 31వ తేదీ వరకు నిషేధం విధించారు.

సంస్కరణల్లో భాగంగా అత్యధిక వేతనాలు పొందే వారికి మాత్రమే హెచ్‌1బీ వీసాల జారీలో పెద్ద పీట వేస్తామని స్పష్టం చేశారు. అమెరికా ఉద్యోగులను చౌకగా దొరికే ఇతర దేశాల ఉద్యోగులతో భీర్త చేసే విధానాన్ని మార్చేందుకు ఈ నిర్ణయం తీసుకున్నట్లు ట్రంప్‌ యంత్రాంగం పేర్కొంది.