విద్యుత్ పోరులో బిజెపి నేతల అరెస్ట్ 

 ప్రభుత్వ వైఖరిపై తీవ్రస్థాయిలో ధ్వజమెత్తారు. లాక్‌డౌన్‌ సమయంలో ప్రజలు బయటకు రాలేదని, ఉపాధి, ఉద్యోగాలకు దూరంగా ఉన్నారని మూడు నెలల పాటు ఆర్థికంగా చికితిపోయిన జనానికి ఊరట కలిగించాల్సిన రాష్ట్ర ప్రభుత్వం కరెంటు బిల్లుల రూపంలో నెత్తిన పిడుగు వేసిందని సంజయ్ మండిపడ్డారు. మూడు నెలలు వినియోగించిన యూనిట్లను సగటు చేయడం ఎక్కడి విధానమో అర్థం కావడం లేదని ధ్వజమెత్తారు.

 ప్రజల్ని దోచుకోవాలనే దురుద్దేశంతోనే దోపిడీ విధానాలకు రూపకల్పన చేశారని బండి సంజయ్‌ నిప్పులు చెరిగారు. లాక్‌డౌన్‌ నిబంధనల మేరకు భౌతిక దూరం పాటిస్తూ శాంతియుతంగా ఆందోళన చేస్తుంటే అరెస్టులకు పాల్పడం ఏంటని ప్రశ్నించారు. నేతలంతా నిబంధనలకు లోబడి వ్యవహరించినా ప్రభుత్వం అరెస్టులు చేయించడం దారుణమని మండిపడ్డారు.

హైదరాబాద్‌తో పాటు జిల్లా కేంద్రాల్లోని విద్యుత్‌ ఆఫీసుల ముందు ధర్నాలకు పిలుపునిచ్చిన బీజేపీ జిల్లా అధ్యక్షులు, కోర్‌ కమిటీ సభ్యుల్ని పోలీసులు గృహ నిర్బంధాలు, ముందస్తు అరెస్టులతో వేధింపులకు గురి చేశారని  మండిపడ్డారుసంజయ్‌ . బీజేపీ నేతలకు అరెస్టులు కొత్త కాదని అంటూ ప్రభుత్వం దిగిరాకపోతే ఆందోళనలు, ఉద్యమాలు కొనసాగుతాయని స్పష్టంచేశారు. శాంతియుతంగా నిరసన తెలిపే వాతావరణం కూడా లేకపోవడం దారుణమని విమర్శించారు.