పెగాస‌స్ వ్యవహారంపై చర్చలలో హద్దులు దాటవద్దు

పెగాస‌స్ వ్యవహారంపై విచార‌ణ స‌మ‌యంలో స‌మాంత‌ర చ‌ర్చ‌లు దుర‌దృష్ట‌క‌ర‌మ‌ని పేర్కొంటూ న్యాయ‌స్థానాలు జ‌రిపే విచార‌ణ‌ల‌పై విశ్వాసం, న‌మ్మ‌కం ఉండాల‌ని సుప్రీం కోర్ట్ ప్రధాన న్యాయమూర్తి జస్టిస్ ఎన్ వి రమణ హితవు చెప్పారు. ఈ కేసులో ఎవ‌రూ త‌మ హ‌ద్దుల్ని దాట‌వ‌ద్దని వారిస్తూ ప్ర‌తి ఒక్క‌రికీ అవ‌కాశం ఇస్తామ‌ని స్పష్టం చేశారు. 

కోర్టులో కేసు వాద‌న‌లు జ‌రుగుతుంటే, పిటిష‌న‌ర్లు సోష‌ల్ మీడియాలో స‌మాంత‌ర చ‌ర్చ‌లు చేప‌ట్ట‌డం దేనికి అని కోర్టు ప్ర‌శ్నించింది. మీరు ఏదైనా చెప్పాల‌నుకుంటే, కోర్టులో చెప్పండి అంటూ సీజే పేర్కొన్నారు. ఒక‌సారి మీరు కోర్టుకు వ‌స్తే, అప్పుడు కోర్టులో స‌మ‌గ్ర‌మైన చ‌ర్చ జ‌రుగుతుంద‌ని తెలిపారు.